USNews Logo

جمعیت علمائے اسلام (ف) کے سربراہ مولانا فضل الرحمان نے کہا ہے کہ امریکہ سمیت پوری دنیا مذہبی مدارس کے خاتمے کی سازش کر رہی ہے۔

مردان میں ایک تقریب سے خطاب کرتے ہوئے انہوں نے موجودہ پارلیمنٹ کو بے حیثیت قرار دیتے ہوئے دعویٰ کیا کہ یہ دھاندلی کے ذریعے وجود میں آئی ہے۔ ان کا کہنا تھا کہ حکومت رجسٹریشن کے نام پر مدارس کے بینک اکاؤنٹ بند کرنے کی کوشش کر رہی ہے اور گزشتہ سال 8 فروری کے انتخابات میں بدترین دھاندلی کی گئی۔ انہوں نے مزید کہا کہ دنیا امریکہ کو ناقابلِ شکست قوت سمجھتی ہے، مگر سابق امریکی صدر ڈونلڈ ٹرمپ کو دنیا کا سب سے بڑا پاگل قرار دیا۔

مولانا فضل الرحمان نے کہا کہ ان کی اصل پارلیمنٹ عوام ہے۔ افغانستان، عراق اور شام میں لوگ جنگ کی وجہ سے ہجرت کر گئے، مگر فلسطینی اپنی سرزمین پر ثابت قدم رہے، حالانکہ غزہ پر شدید بمباری کی گئی۔ انہوں نے دعویٰ کیا کہ 50 ہزار سے زائد فلسطینی شہید ہو چکے ہیں، لیکن مجاہدین نے اپنی جدوجہد ترک نہیں کی۔

انہوں نے مزید کہا کہ جب تک وہ زندہ ہیں، کوئی بھی قادیانیت کو مسلط نہیں کر سکتا۔ انہوں نے خبردار کیا کہ اگر عوام سڑکوں پر آگئے تو جعلی ایوانوں میں زلزلہ برپا ہو جائے گا۔ ان کا یہ بھی کہنا تھا کہ جنگ عظیم کے بعد یہودیوں کو شکست کا سامنا کرنا پڑا اور وہ دربدر ہو گئے، جبکہ قادیانیت کو یہودیوں کی پیداوار قرار دیا۔ انہوں نے اپنی سیاسی جدوجہد جاری رکھنے کے عزم کا اظہار کرتے ہوئے کہا کہ وہ میدان میں رہیں گے اور بالآخر اقتدار کے ایوانوں تک پہنچیں گے۔

• Integer vitae libero ac risus egestas placerat.
• Fusce lobortis lorem at ipsum semper sagittis.
• Cras ornare tristique eros elit nulla nec ante.
• Ut aliquam sollicitudin iaculis ultricies nulla.
• Vivamus molestie gravida turpis lobortis lorem.
• Nam convallis pellentesque nisl commodo nulla.

Finibus Bonorum et Malorum