تازہ ترین
جواہرات بہت خوش نما سنگھار میں ہیں / بدر۔م۔ ژرف
جواہرات بہت خوش نما سنگھار میں ہیں
خلل پذیر ہیں گو دل پذیر پیار میں ہیں
مجھے مراد کا حاصل ہے سہل کر لینا
مفاد اس سے مگر تیرے اختیار میں ہیں
بقیہ اچھے ہوں جیسے گزرنے والے تھے
رفاقتوں کے جو لمحات انتظار میں ہیں
جنون میں تھا ابھی جانا، عندلیب کا رمز
بہار ان میں نہیں ہے کہ جو بہار میں ہیں
ہزار شہر میں تھے گرد خیز، گم کردہ
فقیرِ گم شدہ کی پستیٔ مزار میں ہیں
رواں ہیں دیدۂ جاناں کو اشک بہرِ مقام
خلیج آبِ ستادہ کے انحصار میں ہیں
اصول پیش رہا گرچہ کرب شدت تھا
سرشک چشم گریزاں مگر قطار میں ہیں
نم ان کی آنکھ میں ارحم تھا میرے گریہ میں
دھنک کے رنگ سبھی شامل آبشار میں ہیں
کبھی نہیں تھا سروکار روزگار سے ژرفؔ
یہ روزگار کے جھگڑے بھی روزگار میں ہیں
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
دفتر خارجہ کی ممتاز ترجمان زہرہ بلوچ نے بتایا کہ پاکستان نے اپنے سفیر کو ایران سے واپس بلالیا ہے، اور فی الحال ایرانی سفیر پاکستان نہیں آ رہے ہیں۔ ترجمان نے بتایا کہ پاکستانی حکومت نے ایران کے ساتھ تمام سفارتی دوروں کو روک دیا ہے۔ انہوں نے مزید بتایا کہ چابہار میں منعقد ہونے ...
-
اکستان کے نگران وزیراعظم انوار الحق کاکڑ اور بل اینڈ میلنڈا گیٹس فاؤنڈیشن کے شریک سرپرست بل گیٹس کے درمیان ملاقات ہوئی۔ جس میں وزیراعظم نے پاکستان کے ساتھ فاؤنڈیشن کے تعاون کی تحسین کی۔
Facebook Comments