تازہ ترین
جواہرات بہت خوش نما سنگھار میں ہیں / بدر۔م۔ ژرف
جواہرات بہت خوش نما سنگھار میں ہیں
خلل پذیر ہیں گو دل پذیر پیار میں ہیں
مجھے مراد کا حاصل ہے سہل کر لینا
مفاد اس سے مگر تیرے اختیار میں ہیں
بقیہ اچھے ہوں جیسے گزرنے والے تھے
رفاقتوں کے جو لمحات انتظار میں ہیں
جنون میں تھا ابھی جانا، عندلیب کا رمز
بہار ان میں نہیں ہے کہ جو بہار میں ہیں
ہزار شہر میں تھے گرد خیز، گم کردہ
فقیرِ گم شدہ کی پستیٔ مزار میں ہیں
رواں ہیں دیدۂ جاناں کو اشک بہرِ مقام
خلیج آبِ ستادہ کے انحصار میں ہیں
اصول پیش رہا گرچہ کرب شدت تھا
سرشک چشم گریزاں مگر قطار میں ہیں
نم ان کی آنکھ میں ارحم تھا میرے گریہ میں
دھنک کے رنگ سبھی شامل آبشار میں ہیں
کبھی نہیں تھا سروکار روزگار سے ژرفؔ
یہ روزگار کے جھگڑے بھی روزگار میں ہیں
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
ایپل نے iOS 17.3 جاری کر دیا ہے جس میں کئی نئے حفاظتی پہلو مد نظر رکھے گئے ہیں۔ جو چوری کی صورت میں چوروں کوصارفین کی معلومات جیسے بینک یا ای میل اکاؤنٹس تک فوری رسائی حاصل کرنے سے روکیں گے۔
دیگر iOS 17 ریلیز کی طرح، آپ کو 2018 سے iPhone Xs، iPhone Xs Max یا iPhon...
-
ایپل نے ایشیا پیسیفک ریجن میں سینچری مکمل کر لی۔ ایپل نے سیئول (جنوبی کوریا) میں اپنا 100 واں ریٹیل اسٹور کھولا ہے۔ کوریا میں ایپل کی مصنوعات کی جانب خاصا رجحان پایا جاتا ہے۔ اگرچہ جنوبی کوریا کی موبائل انڈسٹری خصوصا سام سنگ کے موبائل دنیا بھر پسند کیے جاتے ہیں اور جنوبی کو...
Facebook Comments