تازہ ترین
جواہرات بہت خوش نما سنگھار میں ہیں / بدر۔م۔ ژرف
جواہرات بہت خوش نما سنگھار میں ہیں
خلل پذیر ہیں گو دل پذیر پیار میں ہیں
مجھے مراد کا حاصل ہے سہل کر لینا
مفاد اس سے مگر تیرے اختیار میں ہیں
بقیہ اچھے ہوں جیسے گزرنے والے تھے
رفاقتوں کے جو لمحات انتظار میں ہیں
جنون میں تھا ابھی جانا، عندلیب کا رمز
بہار ان میں نہیں ہے کہ جو بہار میں ہیں
ہزار شہر میں تھے گرد خیز، گم کردہ
فقیرِ گم شدہ کی پستیٔ مزار میں ہیں
رواں ہیں دیدۂ جاناں کو اشک بہرِ مقام
خلیج آبِ ستادہ کے انحصار میں ہیں
اصول پیش رہا گرچہ کرب شدت تھا
سرشک چشم گریزاں مگر قطار میں ہیں
نم ان کی آنکھ میں ارحم تھا میرے گریہ میں
دھنک کے رنگ سبھی شامل آبشار میں ہیں
کبھی نہیں تھا سروکار روزگار سے ژرفؔ
یہ روزگار کے جھگڑے بھی روزگار میں ہیں
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
جنوبی افریقہ کی کپتان لورا وولوارڈٹ نے انگلینڈ کے خلاف ہوم سیریز میں شاندار کارکردگی کے بعد خواتین کی ون ڈے بیٹنگ رینکنگ میں پہلی پوزیشن دوبارہ حاصل کر لی۔
وولوارڈٹ، جنہوں نے 2022 ورلڈ کپ کے دوران پہلی بار نمبر 1 پوزیشن حاصل کی ت...
-
پاکستان کے پاور لفٹنگ کے سٹار نوح دستگیر بٹ نے ازبکستان میں جاری ایشین پاور لفٹنگ چیمپئن شپ میں شاندار کارکردگی دکھاتے ہوئے 400 کلوگرام وزن اٹھا کر سکواٹ میں ایشین ریکارڈ بنا دیا۔
نوح بٹ نے 120 پلس کے جی کیٹیگری میں پہلا گولڈ میڈ...
Facebook Comments