تازہ ترین
ہم دشتِ بے کــــنار میں وَحشت سے مَر گئے / پرویز ساحر
ہم دشتِ بے کــــنار میں وَحشت سے مَر گئے
حیرت کی بات یہ ہے کہ حیرت سے مر گئے
اِس دَور ِ بے لحــــــاظ میں جیـــنا عـــذاب ہے
ہیں خوش نصیب لوگـــ جو عزّت سے مر گئے
اِن حُکــم رانِ وقت پہ ' لعنت ' کے چار حرف
سارے عــوام اِن کی سیـــــاست سے مر گئے
تقسیــــم کر دیا گیــــــا ہم کو کچھ اِس طـــــرح
ہم ایکــــــ دوســــرے کی حماقت سے مر گئے
جــــو زندہ رہ گئے ہیں وہ کچھ بـــولتے نہیــں
ہم میں جو با ضمیـر تھے' کثرت سے مر گئے
اَجھّـــا ہُوا کہ مَــوت کو اَرزاں کِیـــــــا گیــــــا
اجھّــــا ہُوا کہ لوگـــــــــ سہُولت سے مر گئے
ہم تو سمجھ رہے تھے کہ اَحســـاس ہے اُنھیں
ہم ایسے ســادہ لَــوح کہ غُربت سے مر گئے
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
پی ٹی آئی کے چیئرمین بیرسٹر گوہر نے قوم کو عید کی مبارکباد دیتے ہوئے افسوس کا اظہار کیا کہ بانی پی ٹی آئی عمران خان مسلسل تیسری عید جیل میں گزار رہے ہیں۔ انہوں نے کہا کہ ان کی رہائی کے بغیر عید کی خوشیاں ا...
-
محکمہ اطلاعات و ثقافت پنجاب کی جانب سے باضابطہ نوٹیفکیشن جاری کر دیا گیا، جس کے تحت تمام سرکاری اداروں کو ہدایات ارسال کر دی گئی ہیں۔ مراسلے میں واضح کیا گیا ہے کہ صوبائی و ضلعی سطح کے تمام افسران روایتی ثقا...
Facebook Comments