تازہ ترین
ہم دشتِ بے کــــنار میں وَحشت سے مَر گئے / پرویز ساحر
ہم دشتِ بے کــــنار میں وَحشت سے مَر گئے
حیرت کی بات یہ ہے کہ حیرت سے مر گئے
اِس دَور ِ بے لحــــــاظ میں جیـــنا عـــذاب ہے
ہیں خوش نصیب لوگـــ جو عزّت سے مر گئے
اِن حُکــم رانِ وقت پہ ' لعنت ' کے چار حرف
سارے عــوام اِن کی سیـــــاست سے مر گئے
تقسیــــم کر دیا گیــــــا ہم کو کچھ اِس طـــــرح
ہم ایکــــــ دوســــرے کی حماقت سے مر گئے
جــــو زندہ رہ گئے ہیں وہ کچھ بـــولتے نہیــں
ہم میں جو با ضمیـر تھے' کثرت سے مر گئے
اَجھّـــا ہُوا کہ مَــوت کو اَرزاں کِیـــــــا گیــــــا
اجھّــــا ہُوا کہ لوگـــــــــ سہُولت سے مر گئے
ہم تو سمجھ رہے تھے کہ اَحســـاس ہے اُنھیں
ہم ایسے ســادہ لَــوح کہ غُربت سے مر گئے
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
لیجئے صاحب عمر تمام ہو رہی ہے ،سورج ڈھل چکاکی دھوپ ختم ہوئی ،شام کی چاشنی بھی رات کے اندھیارے میں گھلنے کو ہے وہ سفر جس کا 8اکتوبر1945 کو آغازہواتھا ،ختم ہوا چاہتا ہے ۔اس دوران کتنے ہی پڑاؤآئےئ دَم لینے کو ٹھہرے اور پھر آگے بڑھنے کو تیار ۔ہر منزل پر کئی ساتھی بچھڑے ، نئے شامل ...
-
پاکستان تحریک انصاف کے سابق صوبائی وزیر خیال کاسترو ضلع کچہری سے گرفتار کرلیے گئے۔ خیال کاسترو جلاؤ گھیراؤ کے مقدمے میں اپنی ضمانت کرانے کے لیے ضلع کچہری پہنچے تو وہاں پہلے سے موجود سادہ لباس میں ملبوس اہلکار زبردستی گاڑی میں بٹھا کے ساتھ لے گئے۔ خیال کاسترو پی پی 118 سے انتخا...
Facebook Comments