تازہ ترین
216 قیدی ملیر جیل سے دیواریں توڑ کر فرار
کراچی میں زلزلے کے جھٹکوں کے دوران ڈسٹرکٹ جیل ملیر سے 216 قیدی دیواریں توڑ کر فرار ہوگئے۔ فرار کی کوشش کے دوران قیدیوں نے پولیس اہلکاروں سے اسلحہ چھین کر فائرنگ کی، جس کے نتیجے میں ایک قیدی ہلاک اور پانچ زخمی ہو گئے، جبکہ ایف سی کے تین اہلکار بھی زخمی ہوئے۔
زلزلے کے باعث قیدیوں کو بیرکس سے عارضی طور پر باہر نکالا گیا تھا، جس کا فائدہ اٹھا کر قیدیوں نے فرار کی کوشش کی۔ اب تک 80 قیدیوں کو مختلف علاقوں سے دوبارہ گرفتار کر لیا گیا ہے جبکہ 9 مشتبہ افراد کو بھی حراست میں لیا گیا ہے۔
وزیرِ جیل سندھ، علی حسن زرداری نے واقعے کا فوری نوٹس لیتے ہوئے آئی جی اور ڈی آئی جی جیل سے رپورٹ طلب کر لی ہے اور علاقے کو مکمل طور پر گھیرنے کی ہدایت کی ہے۔ ان کا کہنا تھا کہ فرار ہونے والے قیدیوں کو ہر صورت گرفتار کیا جائے اور غفلت کے مرتکب افسران کے خلاف کارروائی کی جائے گی۔
ڈی آئی جی جیل حسن سہتو اور ایس ایس پی ملیر کاشف عباسی نے بتایا کہ دوبارہ گرفتار کیے گئے قیدیوں کو فی الحال سکھن تھانے کے لاک اپ میں رکھا گیا ہے۔
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
چوک میں جہاز کی ڈمی نصب کی جا چکی تھی۔لڑکی نے چوک سے یو ٹرن لینے کے لیے گاڑی کی رفتار آہستہ کی۔جب گاڑی چوک سے نیم دائرہ بنا کر مڑ رہی تھی تو فرنٹ سیٹ پر بیٹھے، لمبے بالوں والے لڑکے نے کہا،”میں ایک منتر نما ایکویشن سے یہ جہاز اڑا سکتا ہوں۔“
لڑکی نے کنکھ...
-
پچھلے سال اپنے بزنس پارٹنر کے ساتھ اچانک سیر و تفریح کا پروگرام بن گیا تھا۔ اُس سال وادی کمراٹ دیکھنے کا موقع ملا۔ نہایت حسین وادیاں ، ٹھنڈے پانی کے چشمے۔ اس کا احوال آپ دوستوں کے ساتھ شئیر کرچکا ہوں۔
اس کے بعد سے پورا سال بیگم صاحبہ کی جانب سے یہ محبت بھرا گلہ سن...
Facebook Comments