ترجمان دفترِ خارجہ طاہر اندرا بی نے واضح کیا ہے کہ آپریشن “غضبِ الٰحق” بدستور جاری ہے اور عیدالفطر کے بعد اس میں کسی مستقل وقفے کی اطلاعات درست نہیں ہیں۔ انہوں نے بتایا کہ آپریشن میں عارضی توقف 24 مارچ کو ختم ہو گیا تھا۔

انہوں نے کہا کہ یہ کارروائی اس وقت تک جاری رہے گی جب تک افغان طالبان کی جانب سے تحریک طالبان پاکستان (ٹی ٹی پی) کی حمایت اور پاکستان کے خلاف افغان سرزمین کے استعمال کے خدشات موجود ہیں۔

ترجمان کے مطابق یہ ایک منظم اور ہدفی فوجی کارروائی ہے جس کا مقصد دہشت گرد قیادت، ان کے کمانڈ ڈھانچے، انفراسٹرکچر اور لاجسٹک نیٹ ورکس کو ختم کرنا ہے۔ انہوں نے مزید کہا کہ اس آپریشن میں دہشت گردوں کے سہولت کاروں اور معاونین کو بھی نشانہ بنایا جا رہا ہے، خاص طور پر طالبان کے زیرِ کنٹرول علاقوں میں۔

You Might Also Like

Get Newsletter

Advertisement