تازہ ترین
پھر کوئی بانگِ درا خوابِ گراں تک پہنچے / ڈاکٹر دلدار احمد علوی
پھر کوئی بانگِ درا خوابِ گراں تک پہنچے
کوئی آواز دروں خانہ ءِ جاں تک پہنچے
شرق تا غرب ہر اک پیر و جواں تک پہنچے
”میرا پیغام محبت ہے جہاں تک پہنچے“
اُس تبسم کی جھلک قلبِ تپاں تک پہنچے
کھل اٹھے غنچہ ءِ دل مشک جہاں تک پہنچے
میری مہجوری ءِ پیہم کابھی درماں یا رب
قافلے شوق کے اسرارِ نہاں تک پہنچے
حوصلے نے گل و گلزار کیا صحرا کو
پاؤں ہمت کے سرِ کوہستاں تک پہنچے
مر گئے گھٹ کے دم اپنے ہی نہاں خانے میں
دل کے ارمان بہت کم ہی زباں تک پہنچے
پیار کہتے ہیں جسے نام ہے قربانی کا
وہ تجارت ہے کہ جو سود و زیاں تک پہنچے
اتنا آسان نہ تھا عشق کی منزل کا سفر
زندگی ہم نے لٹائی تو یہاں تک پہنچے
تو نے جو آگ لگائی تھی مرے آنگن میں
اس کے شعلے ہیں جو یہ تیرے مکاں تک پہنچے
میرا کردار بھی ہے گردشِ ایام کے ساتھ
بے سبب نغمے نہیں آہ و فغاں تک پہنچے
زندگی پھونک چکی آتشِ فرقت دلدار
آگے یہ دشمنِ جاں جانے کہاں تک پہنچے
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
ایک دلکش مقابلے میں، ہندوستان نے FIH ہاکی خواتین کے جونیئر ورلڈ کپ 2023 میں امریکہ کو ایک سنسنی خیز مقابلے میں شکست دے کر 9 واں مقام حاصل کیا۔ کھیل، جو ریگولیشن ٹائم کے بعد 2-2 پر ختم ہوا اور پانچ شوٹ آؤٹ کے بعد اچانک موت تک بڑھا، شدید مقابلے کا مظاہرہ کیا۔ کیئرسٹن تھامسی ن...
-
کلینیکل کارکردگی میں، پاکستان نے نیوزی لینڈ کو 4-0 سے شکست دے کر پول ڈی میں ٹاپ پوزیشن حاصل کر لی، اس کے باوجود جونیئر بلیک سٹکس میچ کے اعدادوشمار میں سرفہرست ہے۔ ابتدائی گول عبدالرحمٰن کی طرف سے آیا، 16 گز کی ہٹ پر ٹرن اوور کا فائدہ اٹھاتے ہوئے، ارشد لیاقت نے بالآخر گول کی...
Facebook Comments