تازہ ترین
آبائی گھر کو چھوڑ کے دیکھو / طالب انصاری
سنتے آئے ہیں
دیواروں کے کان ہوا کرتے ہیں
لیکن ان کا دل بھی ہوتا ہے
تم اپنے آبائی گھر کو چھوڑ کے دیکھو
یہ دیواریں
کیسے بلک کے روتی ہیں
کہنہ سالی کے باعث چھکتی چوکھٹ
کیسے دہائی دیتی ہے
دروازوں کی بھی
آنکھیں ہوتی ہیں
رستا روکنے والی آنکھیں
بوسیدہ ٹرنکوں میں رکھّی الّم غلّم چیزیں
یک دم کتنی قیمتی ہو جاتی ہیں
چھوٹے چھوٹے طاقوں کی
نصف مربّع فٹ کی وسعت کے آگے
دنیا کتنی چھوٹی لگتی ہے
جن ٹوٹی پھوٹی اینٹوں پر
ننھّے ننھّے کومل پاوٗں
ہنستے کھیلتے جیون کا اظہار کیا کرتے تھے
وہ کچّا پکّا آنگن
پھیل کے نیل گگن جیسا ہو جاتا ہے
گم سم دالانوں کے سنّاٹے بھی
آواز دیا کرتے ہیں
تم اپنے آبائی گھر کو چھوڑ کے دیکھو
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
اسرائیلی فضائی حملوں کی نئی لہر میں جمعرات کی صبح سے اب تک کم از کم 143 فلسطینی شہید ہو چکے ہیں، جس کے بعد غزہ میں جاری جنگ کے دوران مجموعی شہادتوں کی تعداد 53,000 سے تجاوز کر گئی ہے۔
عینی شاہدین کے مطابق جبالیہ پناہ گزین کیمپ میں قائم الـتوبہ کلینک کو نشانہ بنایا...
-
میکسیکو کے صوبے جالسکو میں ایک افسوسناک واقعہ پیش آیا جہاں 23 سالہ بیوٹی انفلوئنسر والیریا مارکیز کو ایک بیوٹی سیلون میں ٹک ٹاک لائیو ویڈیو کے دوران گولی مار کر قتل کر دیا گیا۔ والیریا، جو اپنے میک اپ اور بیوٹی ٹیوٹوریلز کی وجہ سے مقبول تھیں، معمول کی لائیو ویڈیو ریکا...
Facebook Comments