تازہ ترین
آبائی گھر کو چھوڑ کے دیکھو / طالب انصاری
سنتے آئے ہیں
دیواروں کے کان ہوا کرتے ہیں
لیکن ان کا دل بھی ہوتا ہے
تم اپنے آبائی گھر کو چھوڑ کے دیکھو
یہ دیواریں
کیسے بلک کے روتی ہیں
کہنہ سالی کے باعث چھکتی چوکھٹ
کیسے دہائی دیتی ہے
دروازوں کی بھی
آنکھیں ہوتی ہیں
رستا روکنے والی آنکھیں
بوسیدہ ٹرنکوں میں رکھّی الّم غلّم چیزیں
یک دم کتنی قیمتی ہو جاتی ہیں
چھوٹے چھوٹے طاقوں کی
نصف مربّع فٹ کی وسعت کے آگے
دنیا کتنی چھوٹی لگتی ہے
جن ٹوٹی پھوٹی اینٹوں پر
ننھّے ننھّے کومل پاوٗں
ہنستے کھیلتے جیون کا اظہار کیا کرتے تھے
وہ کچّا پکّا آنگن
پھیل کے نیل گگن جیسا ہو جاتا ہے
گم سم دالانوں کے سنّاٹے بھی
آواز دیا کرتے ہیں
تم اپنے آبائی گھر کو چھوڑ کے دیکھو
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
پاکستان کی سینیٹ نے آپریشن "بنیان مرصوص" کی شاندار کامیابی پر ایک اہم قرارداد متفقہ طور پر منظور کر لی ہے، جس میں بھارتی جارحیت کا منہ توڑ جواب دینے پر پاک فوج کو زبردست خراجِ تحسین پیش کیا گیا ہے۔
قرارداد میں پاکستان کے علاقائی وعالمی امن کے عزم ک...
-
سوراناری ٹاسک فورس اور کمبوڈیا کی فوج کے درمیان سرحدی گشت کے دوران جھڑپ ہوئی، جس کی تصدیق لیفٹیننٹ جنرل بونسن پڈ کلانگ (کمانڈر، سیکنڈ آرمی ریجن) نے ہفتے کے روز کی۔
یہ جھڑپ اُس وقت پیش آئی جب اطلاعات سامنے آئیں کہ کمبوڈین فوجی تھائی علاقے نام یوئن، صوبہ اوبون...
Facebook Comments