تازہ ترین
آبائی گھر کو چھوڑ کے دیکھو / طالب انصاری
سنتے آئے ہیں
دیواروں کے کان ہوا کرتے ہیں
لیکن ان کا دل بھی ہوتا ہے
تم اپنے آبائی گھر کو چھوڑ کے دیکھو
یہ دیواریں
کیسے بلک کے روتی ہیں
کہنہ سالی کے باعث چھکتی چوکھٹ
کیسے دہائی دیتی ہے
دروازوں کی بھی
آنکھیں ہوتی ہیں
رستا روکنے والی آنکھیں
بوسیدہ ٹرنکوں میں رکھّی الّم غلّم چیزیں
یک دم کتنی قیمتی ہو جاتی ہیں
چھوٹے چھوٹے طاقوں کی
نصف مربّع فٹ کی وسعت کے آگے
دنیا کتنی چھوٹی لگتی ہے
جن ٹوٹی پھوٹی اینٹوں پر
ننھّے ننھّے کومل پاوٗں
ہنستے کھیلتے جیون کا اظہار کیا کرتے تھے
وہ کچّا پکّا آنگن
پھیل کے نیل گگن جیسا ہو جاتا ہے
گم سم دالانوں کے سنّاٹے بھی
آواز دیا کرتے ہیں
تم اپنے آبائی گھر کو چھوڑ کے دیکھو
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
سندھ ہائی کورٹ نے ملک میں بلاجواز انٹرنیٹ کی بندش کے خلاف دائر درخواست کی سنوائی پہ حکم جاری کر دیا۔
عدالت نے بلاتعطل انٹرنیٹ سروس جاری کرنے کا حکم دے دیا۔ کیس کی سماعت کے دوران چیف جسٹس سندھ ہائی کورٹ نے کہا کہ انٹرنیٹ تو ہمار...
-
پاکستان تحریک انصاف (پی ٹی آئی) کے بانی عمران خان اور ان کی بیوی بشریٰ بی بی کے مبینہ 'غیر شرعی نکاح' پر فیصلہ متوقع۔ اس کیس کی سماعت اڈیالہ یل میں سینئر سول جج قدرت اللہ کی زیرِ نگرانی ہوتی رہی۔ گذشتہ روز جیل کے اندر 14 گھنٹے کارروائی جاری رہی۔ ...
Facebook Comments