تازہ ترین
آبائی گھر کو چھوڑ کے دیکھو / طالب انصاری
سنتے آئے ہیں
دیواروں کے کان ہوا کرتے ہیں
لیکن ان کا دل بھی ہوتا ہے
تم اپنے آبائی گھر کو چھوڑ کے دیکھو
یہ دیواریں
کیسے بلک کے روتی ہیں
کہنہ سالی کے باعث چھکتی چوکھٹ
کیسے دہائی دیتی ہے
دروازوں کی بھی
آنکھیں ہوتی ہیں
رستا روکنے والی آنکھیں
بوسیدہ ٹرنکوں میں رکھّی الّم غلّم چیزیں
یک دم کتنی قیمتی ہو جاتی ہیں
چھوٹے چھوٹے طاقوں کی
نصف مربّع فٹ کی وسعت کے آگے
دنیا کتنی چھوٹی لگتی ہے
جن ٹوٹی پھوٹی اینٹوں پر
ننھّے ننھّے کومل پاوٗں
ہنستے کھیلتے جیون کا اظہار کیا کرتے تھے
وہ کچّا پکّا آنگن
پھیل کے نیل گگن جیسا ہو جاتا ہے
گم سم دالانوں کے سنّاٹے بھی
آواز دیا کرتے ہیں
تم اپنے آبائی گھر کو چھوڑ کے دیکھو
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
دنیا نے 2025 کا شاندار استقبال شاندار تقریبات، آتش بازی اور ثقافتی رنگینیوں کے ساتھ کیا۔ دنیا بھر کے مشہور مقامات اور شہروں نے خوشی اور امید کے مناظر پیش کیے، جہاں آسمان رنگین روشنیوں سے جگمگا اٹھا۔
سڈنی، آسٹریلیا
-
برج حمل (21 مارچ - 19 اپریل) 2025 برج حمل کے لیے ترقی کا سال ہوگا۔ آپ کی توانائی اور عزم آپ کے کیریئر کو آگے بڑھانے میں مدد کریں گے، اور نئے مواقع دروازے پر دستک دیں گے۔ تاہم، کام اور ذاتی زندگی...
Facebook Comments