تازہ ترین
آبائی گھر کو چھوڑ کے دیکھو / طالب انصاری
سنتے آئے ہیں
دیواروں کے کان ہوا کرتے ہیں
لیکن ان کا دل بھی ہوتا ہے
تم اپنے آبائی گھر کو چھوڑ کے دیکھو
یہ دیواریں
کیسے بلک کے روتی ہیں
کہنہ سالی کے باعث چھکتی چوکھٹ
کیسے دہائی دیتی ہے
دروازوں کی بھی
آنکھیں ہوتی ہیں
رستا روکنے والی آنکھیں
بوسیدہ ٹرنکوں میں رکھّی الّم غلّم چیزیں
یک دم کتنی قیمتی ہو جاتی ہیں
چھوٹے چھوٹے طاقوں کی
نصف مربّع فٹ کی وسعت کے آگے
دنیا کتنی چھوٹی لگتی ہے
جن ٹوٹی پھوٹی اینٹوں پر
ننھّے ننھّے کومل پاوٗں
ہنستے کھیلتے جیون کا اظہار کیا کرتے تھے
وہ کچّا پکّا آنگن
پھیل کے نیل گگن جیسا ہو جاتا ہے
گم سم دالانوں کے سنّاٹے بھی
آواز دیا کرتے ہیں
تم اپنے آبائی گھر کو چھوڑ کے دیکھو
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
ریاستی انسداد بدعنوانی ایجنسی معزول صدر یون سک یول کو گرفتار کرنے کا ارادہ رکھتی ہے، جب کہ سیول کی عدالت نے ان کی گرفتاری کے وارنٹ کی منظوری دے دی ہے۔ سیول ویسٹرن ڈسٹرکٹ کورٹ نے منگل کے روز وارنٹ جاری کیا، جس میں یون پر 3 دسمبر کو عارضی مارشل لا کے ن...
-
جنوبی غزہ کے ایک نام نہاد انسانی محفوظ علاقے میں عارضی خیموں پر اسرائیلی فضائی حملے میں کم از کم 11 فلسطینی، جن میں خواتین اور بچے بھی شامل ہیں، جاں بحق ہوگئے، مقامی طبی عملے اور میڈیا رپورٹس کے مطابق۔ جمعرات کو علی الصبح یہ حملہ المواسی علاقے میں ہو...
Facebook Comments