تازہ ترین
سلطانی گواہ / سید ماجد شاہ
وہ کہہ رہا ہے
تمھارے اعضا
زبان پا کر
مخالفت میں
گواہی دیں گے
جو کر رہے ہیں
وہ سب کہیں گے
میں سوچتا ہوں
مخالفت میں جو بولتا ہے
اسی کے جبڑے کے بیلنے میں
زباں سلامت پڑی ہوئی ہے
اسی کی کشت بیاں میں نم ہے
اسی کے لفظوں میں خوشہ خوشہ سنہری رنگت ابل رہی ہے
وہ لاکھ زم زم پکارتا ہے مگر یہ چشمہ فزوں سے بڑھ کراچھل رہا ہے
یہ کس کا دست کرم ہے ایسا
جو یوریا کی بھری ہوئی بوریاں الٹ کر
مرے ہی اعضا مرے مقابل بڑھا رہا ہے
یہ کون ہے جو مجھی کو مجھ سے لڑا رہا ہے
میں اب کٹہرے میں بے زبانی کی بیڑیوں میں
کسا ہوا ہوں
میں اپنے اعضا سے ہٹ کے اب بھی یہ سوچتا ہوں
کہ جب بھی اعضا پلٹ کے آئے
جو میں کہوں گا
وہی کریں گے
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
کرسٹیانو رونالڈو پر دنیا کے سب سے بڑے کرپٹو کرنسی ایکسچینج بائنانس کی توثیق کرنے پر امریکہ میں 1 بلین ڈالر سے زیادہ کا مقدمہ درج ہے۔ مدعیان کا الزام ہے کہ اس کی ترقی ان کی سرمایہ کاری کو خسارے میں جانے کا باعث بنی۔ مقدمہ نومبر 2022 میں اعلان کردہ رونالڈو کے ساتھ Binance کے ...
-
انگلینڈ کی قومی فٹ بال ٹیم کے ساتھ ساتھ ٹوٹنہم ہاٹ پور اور بارسلونا جیسے قابل ذکر کلبوں کے معزز سابق مینیجر ٹیری وینیبلز 80 سال کی عمر میں انتقال کر گئے ہیں۔ ان کے اہل خانہ نے اتوار کو اس افسوسناک خبر کی تصدیق کرتے ہوئے کہا کہ ان کے خاندان نے ان کے انتقال پر افسوس کا اظہار ...
Facebook Comments