تازہ ترین
سلطانی گواہ / سید ماجد شاہ
وہ کہہ رہا ہے
تمھارے اعضا
زبان پا کر
مخالفت میں
گواہی دیں گے
جو کر رہے ہیں
وہ سب کہیں گے
میں سوچتا ہوں
مخالفت میں جو بولتا ہے
اسی کے جبڑے کے بیلنے میں
زباں سلامت پڑی ہوئی ہے
اسی کی کشت بیاں میں نم ہے
اسی کے لفظوں میں خوشہ خوشہ سنہری رنگت ابل رہی ہے
وہ لاکھ زم زم پکارتا ہے مگر یہ چشمہ فزوں سے بڑھ کراچھل رہا ہے
یہ کس کا دست کرم ہے ایسا
جو یوریا کی بھری ہوئی بوریاں الٹ کر
مرے ہی اعضا مرے مقابل بڑھا رہا ہے
یہ کون ہے جو مجھی کو مجھ سے لڑا رہا ہے
میں اب کٹہرے میں بے زبانی کی بیڑیوں میں
کسا ہوا ہوں
میں اپنے اعضا سے ہٹ کے اب بھی یہ سوچتا ہوں
کہ جب بھی اعضا پلٹ کے آئے
جو میں کہوں گا
وہی کریں گے
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
لیونل میسی نے معروف ایتھلیٹ ایرلنگ ہالینڈ اور نوواک جوکووچ کو پیچھے چھوڑتے ہوئے TIME کے ایتھلیٹ آف دی ایئر 2023 کا تاج اپنے نام کر لیا ہے۔ ان کا 8واں بیلن ڈی اور ریکارڈ توڑنے والا فٹ بال کی دنیا میں ان کی افسانوی حیثیت کو مزید مستحکم کرتا ہے۔ انٹر میامی میں میسی کے اہم اقدا...
-
12 دسمبر کو دبئی میں پاکستانی حکومت، فیفا، ایشین فٹ بال کنفیڈریشن (اے ایف سی) اور پاکستان فٹ بال فیڈریشن (پی ایف ایف) نارملائزیشن کمیٹی پر مشتمل متوقع اجلاس غیر متوقع طور پر ملتوی کر دیا گیا ہے۔ پی ایف ایف این سی نے پاکستان اسپورٹس بورڈ (PSB) اور آئی پی سی کی وزارت کو باضاب...
Facebook Comments