تازہ ترین
سلطانی گواہ / سید ماجد شاہ
وہ کہہ رہا ہے
تمھارے اعضا
زبان پا کر
مخالفت میں
گواہی دیں گے
جو کر رہے ہیں
وہ سب کہیں گے
میں سوچتا ہوں
مخالفت میں جو بولتا ہے
اسی کے جبڑے کے بیلنے میں
زباں سلامت پڑی ہوئی ہے
اسی کی کشت بیاں میں نم ہے
اسی کے لفظوں میں خوشہ خوشہ سنہری رنگت ابل رہی ہے
وہ لاکھ زم زم پکارتا ہے مگر یہ چشمہ فزوں سے بڑھ کراچھل رہا ہے
یہ کس کا دست کرم ہے ایسا
جو یوریا کی بھری ہوئی بوریاں الٹ کر
مرے ہی اعضا مرے مقابل بڑھا رہا ہے
یہ کون ہے جو مجھی کو مجھ سے لڑا رہا ہے
میں اب کٹہرے میں بے زبانی کی بیڑیوں میں
کسا ہوا ہوں
میں اپنے اعضا سے ہٹ کے اب بھی یہ سوچتا ہوں
کہ جب بھی اعضا پلٹ کے آئے
جو میں کہوں گا
وہی کریں گے
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
پاکستان ویمن نے نیوزی لینڈ کے خلاف 2-1 کے مارجن سے تاریخی ٹی ٹوئنٹی سیریز میں فتح حاصل کی، جس کا نشان کوئنس ٹاؤن میں فائنل گیم کی فتح کے ساتھ ہے۔ یہ کامیابی، وائٹ فرنز کے خلاف خواتین کی پہلی T20I سیریز جیت، ندا ڈار کی ٹیم کے لیے ایک اہم سنگ میل کی نمائندگی کرتی ہے۔ نوجوان س...
-
ملائیشیا کے شہر کوالالمپور میں جاری ورلڈ کپ میں پاکستان کی جونیئر ہاکی ٹیم نے بیلجیئم کے خلاف 1-1 سے برابری کے بعد کامیابی سے کوارٹر فائنل کے لیے کوالیفائی کر لیا ہے۔ بیلجیئم نے پہلے کوارٹر میں برتری حاصل کرنے کے بعد تیسرے کوارٹر میں ارباز احمد کے پنالٹی کارنر کے گول نے سکو...
Facebook Comments