تازہ ترین
سلطانی گواہ / سید ماجد شاہ
وہ کہہ رہا ہے
تمھارے اعضا
زبان پا کر
مخالفت میں
گواہی دیں گے
جو کر رہے ہیں
وہ سب کہیں گے
میں سوچتا ہوں
مخالفت میں جو بولتا ہے
اسی کے جبڑے کے بیلنے میں
زباں سلامت پڑی ہوئی ہے
اسی کی کشت بیاں میں نم ہے
اسی کے لفظوں میں خوشہ خوشہ سنہری رنگت ابل رہی ہے
وہ لاکھ زم زم پکارتا ہے مگر یہ چشمہ فزوں سے بڑھ کراچھل رہا ہے
یہ کس کا دست کرم ہے ایسا
جو یوریا کی بھری ہوئی بوریاں الٹ کر
مرے ہی اعضا مرے مقابل بڑھا رہا ہے
یہ کون ہے جو مجھی کو مجھ سے لڑا رہا ہے
میں اب کٹہرے میں بے زبانی کی بیڑیوں میں
کسا ہوا ہوں
میں اپنے اعضا سے ہٹ کے اب بھی یہ سوچتا ہوں
کہ جب بھی اعضا پلٹ کے آئے
جو میں کہوں گا
وہی کریں گے
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
حکومت اور پاکستان تحریک انصاف (پی ٹی آئی) کے درمیان مذاکرات کے دوسرے دور کا آغاز آج (جمعرات) سہ پہر ہوگا۔ یہ ملاقات جو پہلے صبح 11 بجے طے تھی، اب سہ پہر 3:30 بجے پارلیمنٹ ہاؤس کے آئین کمیٹی روم میں ہوگی۔ قومی اسمبلی کے ا...
-
امریکی یوٹیوب اسٹار جیمز اسٹیفن ‘جمیمی’ ڈونلڈسن، جو کہ MrBeast کے نام سے مشہور ہیں، نے کرسمس کے دوران اپنی گرل فرینڈ، گیمنگ کنٹینٹ تخلیق کار تھیا بوسین سے شادی کی پیشکش کی۔ 26 سالہ کاروباری شخصیت نے اس خوشی کے لمحے کو اپنے انسٹ...
Facebook Comments