تازہ ترین
سلطانی گواہ / سید ماجد شاہ
وہ کہہ رہا ہے
تمھارے اعضا
زبان پا کر
مخالفت میں
گواہی دیں گے
جو کر رہے ہیں
وہ سب کہیں گے
میں سوچتا ہوں
مخالفت میں جو بولتا ہے
اسی کے جبڑے کے بیلنے میں
زباں سلامت پڑی ہوئی ہے
اسی کی کشت بیاں میں نم ہے
اسی کے لفظوں میں خوشہ خوشہ سنہری رنگت ابل رہی ہے
وہ لاکھ زم زم پکارتا ہے مگر یہ چشمہ فزوں سے بڑھ کراچھل رہا ہے
یہ کس کا دست کرم ہے ایسا
جو یوریا کی بھری ہوئی بوریاں الٹ کر
مرے ہی اعضا مرے مقابل بڑھا رہا ہے
یہ کون ہے جو مجھی کو مجھ سے لڑا رہا ہے
میں اب کٹہرے میں بے زبانی کی بیڑیوں میں
کسا ہوا ہوں
میں اپنے اعضا سے ہٹ کے اب بھی یہ سوچتا ہوں
کہ جب بھی اعضا پلٹ کے آئے
جو میں کہوں گا
وہی کریں گے
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
ایک ایسے اقدام میں جس نے حقوق اور امدادی تنظیموں کی طرف سے مذمت کو جنم دیا، امریکہ نے جمعہ کو اقوام متحدہ کی سلامتی کونسل کی ایک مسودہ قرارداد کو ویٹو کر دیا۔ اس قرارداد میں، جسے رکن ممالک کی جانب سے تقریباً متفقہ حمایت حاصل ہے، غزہ میں فوری جنگ بندی اور تمام یرغمالیوں کی غ...
-
اگلے سال 8 فروری کو ہونے والے عام انتخابات کے ساتھ ہی پاکستان میں سیاسی منظر نامہ گرم ہو رہا ہے۔ پاکستان پیپلز پارٹی (پی پی پی) کے چیئرمین بلاول بھٹو زرداری نے پاکستان مسلم لیگ (ن) کے سربراہ نواز شریف پر شدید حملہ کیا۔ بھٹو زرداری نے الزام لگایا کہ تین بار کے سابق وزیر اعظم...
Facebook Comments