تازہ ترین
نگران وزیراعلیٰ محسن نقوی کی زیر صدارت پنجاب چیمبرز آف کامرس کوآرڈینیشن کمیٹی کا اجلاس
نگران وزیراعلیٰ محسن نقوی کی زیر صدارت پنجاب چیمبرز آف کامرس کوآرڈینیشن کمیٹی کا تیسرا اجلاس ہوا جس میں صوبائی کابینہ کے اراکین، چیف سیکرٹری، انسپکٹر جنرل پولیس اورمتعلقہ سیکرٹریز شریک ہوئے، چیمبرز آف کامرس کوآرڈینیشن کمیٹی کے شرکاء نے محسن نقوی کی بے مثال کارکردگی کو خراج تحسین پیش کیا۔
چیمبرز آف کامرس کوآرڈینیشن کمیٹی کے اراکین نے کہا کہ پنجاب میں 6 بزنس فیسیلی ٹیشن سنٹرز کا قیام وزیراعلیٰ محسن نقوی کا کریڈٹ ہے۔
اجلاس کے دوران صنعتکاروں اور تاجر برادری کے صدور اور عہدیداران نے کاروبار کے فروغ کے لئے تجاویز اور سفارشات پیش کیں، وزیراعلیٰ محسن نقوی نے تجاویز کو نوٹ کیا اور قابل عمل تجاویز پر عملدرآمد کی یقین دہانی کرائی۔
اس موقع پر گفتگو کرتے ہوئے وزیراعلیٰ محسن نقوی کا کہنا تھا کہ تاجر اور صنعتکار ملکی معیشت کی بہتری کے لئے قابل عمل کردار ادا کرسکتے ہیں، خواتین کے لئے ریسورس سنٹر قائم کرنے کا جائزہ لیں گے، پنجاب کے ہر ڈویژن میں بزنس فیسیلی ٹیشن سنٹرز قائم کیے جارہے ہیں۔
انہوں نے کہا کہ 45 دن میں 6 بزنس فیسیلی ٹیشن سنٹرز قائم کر کے فعال کر دیئے ہیں، بزنس فیسیلی ٹیشن سنٹر پر 22 صوبائی اور 2 وفاقی محکموں کے کاؤنٹرز خدمات فراہم کر رہے ہیں، بزنس فیسیلی ٹیشن سنٹر کے قیام سے صنعتکاروں کو 124 این او سی ایک چھت تلے میسر ہوں گے۔
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
ایپل انسائیڈر کے مطابق ایپل کی جانب سے متعارف کرائے جانےو الے نئے ضوابط پر اتفاق کرنےو الے ای یو (یورپین یونین) ڈیویلپرز ایپ اسٹور کی حریف ایپ مارکیٹ پلیسز بنا سکیں گے۔ یہ اسٹورز ایسی ایپلی کیشنز استعمال کے لیے پیش کریں گے جو ایپل کے ایپ اسٹور کے علاوہ ہوں گی یا ان پر...
-
گزشتہ برس ٹیکنالوجی کمپنی گوگل کی جانب سے انسٹالیشن سے قبل پلے پروٹیکٹ کے نامعلوم اینڈرائیڈ ایپس کو اسکین کرنے کے متعلق اعلان کیا تھا۔ لیکن اب گوگل پلے پروٹیکٹ میں صارفین کو مالی دھوکا دہی سے تحفظ میں اضافے کے لیے اقدام کر رہا ہے۔
اس اپ ڈیٹ کے بعد پلے پروٹیکٹ ویب ...
Facebook Comments