نیوساؤتھ ویلز میں پاکستانی شہری پر آسٹریلوی عوام کو نشانہ بنانے والی بڑی فراڈ اسکیم کا الزام

نیوساؤتھ ویلز میں مقیم 21 سالہ پاکستانی شہری پر ایک بڑی فراڈ اسکیم میں ملوث ہونے کا الزام عائد کیا گیا ہے جس میں چوری شدہ مالی معلومات کا استعمال کیا گیا۔

آسٹریلین فیڈرل پولیس (اے ایف پی) کے مطابق، ملزم پر الزام ہے کہ اس نے چوری شدہ ڈیٹا استعمال کرتے ہوئے سیکڑوں موبائل ڈیوائسز خریدیں، جس سے ملک بھر میں 100 سے زائد افراد متاثر ہوئے۔

یہ تحقیقات اے ایف پی کے "جوائنٹ پولیسنگ سائبر کرائم کوآرڈینیشن سینٹر" کی قیادت میں، آپٹس اور ٹی پی جی ٹیلی کام کے اشتراک سے شروع کی گئیں، جب کسی جعلی ٹیلی کمیونیکیشن نمائندے کے ذریعے دھوکہ دہی پہ مبنی کالز کی اطلاعات موصول ہوئیں۔ متاثرین کو مبینہ طور پر ذاتی معلومات فراہم کرنے کے لیے دھوکہ دیا گیا، جنہیں بعد میں موبائل فونز اور ٹیبلٹس خریدنے کے لیے غیر قانونی طور پر استعمال کیا گیا۔ یہ ڈیوائسز بیرون ملک بھیج دی گئیں تاکہ انہیں فروخت کیا جا سکے۔

ملزم کی رہائش گاہ کی تلاشی کے دوران مبینہ طور پر ایک ملین آسٹریلوی ڈالر سے زائد نقدی، 500 سے زیادہ سم کارڈز، اور 21 الیکٹرانک ڈیوائسز، جن میں لیپ ٹاپ اور موبائل فون شامل ہیں، برآمد کیے گئے، جن میں کریڈٹ کارڈز اور مالی دستاویزات موجود تھیں۔

ضَابِطَہ

مصنف کے بارے میں

ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔

Showing 113-114 of 269 items.

لیفٹیننٹ جنرل (ر) فیض حمید کے خلاف فیلڈ جنرل کورٹ مارشل کی کارروائی کا آغاز