تازہ ترین
پاکستان سٹیل اور پیٹرو کیمیکل کے شعبوں میں سعودی سرمایہ کاری کا خواہاں
خبر رساں ادارے اے پی پی کے مطابق نگران وفاقی وزیر تجارت، صنعت و داخلہ ڈاکٹر گوہر اعجاز نے کہا ہے کہ پاکستان میں سٹیل اور پیٹرو کیمیکل کے شعبوں میں سرمایہ کاری کے مواقع سے سعودی صنعت کار فائدہ اٹھا سکتے ہیں ۔
ان خیالات کا اظہار انہوں نے اسلام آباد میں سعودی سفیر نواف بن سعید المالکی سے ملاقات کے دوران کیا۔ وزیر تجارت نے کہا کہ ملک کے 10 بڑے صنعتکاروں کا وفد آئندہ ماہ ان کی قیادت میں ریاض جائے گا۔ سعودی سفیر سے ملاقات میں پاک سعودی بزنس ٹو بزنس روابط کو مزید آگے بڑھانے پر اتفاق کیا گیا ۔
وزیر تجارت نے سعودی سفیر کو بتایا کہ پاکستان اور سعودی عرب کے درمیان آئی ٹی کے شعبے میں تعاون کو بڑھانے کے لیے متعدد اقدامات کئے گئے ہیں جن کے مثبت نتائج جلد آنا شروع ہو جائیں گے ۔ ڈاکٹر گوہر اعجاز نے کہا کہ پاکستان کے شمالی علاقہ جات بے پناہ قدرتی حسن سے مالامال ہیں ، ان علاقوں میں لگژری ریزورٹس میں سرمایہ کاری دونوں ممالک کے لئے فائدہ مند ثابت ہو سکتی ہے ۔
انہوں نے کہا کہ پاکستانی اشیا کی مارکیٹنگ کے لیے عالمی سطح پر ’’برانڈ پاکستان‘‘سٹورز قائم کرنے پر کام کر رہے ہیں اور جلد ہی مقامی طور پر تیار کردہ اشیا کو عالمی سطح پر متعارف کروایا جائے گا جس سے ملک میں زرمبادلہ آئے گا ۔
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
چینی سائنس دانوں نے تیانجن یونیورسٹی کے شعبہ مکینیکل انجینئرنگ میں پروفیسر جیاؤ کیوئی کی سرپرستی میں کامیابی کے ساتھ ایک پروٹون ایکسچینج میمبرین فیول سیل تیار کیا ہے جس میں انتہائی اعلیٰ والیومیٹرک پاور ڈینسٹی ہے۔ یہ کامیابی مرکزی دھارے کے ہم منصبوں کو 80 فیصد سے زیادہ پیچھے چ...
-
جنوب مشرقی ایشیا میں واقع، ویتنام ایک دلفریب ملک ہے جو اپنی ثقافت، تاریخ اور قدرتی خوبصورتی کی وجہ سے سیاحوں کی توجہ کا مرکز رہتا ہے۔ ویتنام 10ویں صدی میں آزادی حاصل کرنے سے پہلے ایک ہزار سال تک چینی تسلط میں تھا۔ اس کے بعد، اسے فرانسیسی نوآبادیات کا سامنا کرنا پڑا اور بعد میں...
Facebook Comments