تازہ ترین
پاکستان سٹیل اور پیٹرو کیمیکل کے شعبوں میں سعودی سرمایہ کاری کا خواہاں
خبر رساں ادارے اے پی پی کے مطابق نگران وفاقی وزیر تجارت، صنعت و داخلہ ڈاکٹر گوہر اعجاز نے کہا ہے کہ پاکستان میں سٹیل اور پیٹرو کیمیکل کے شعبوں میں سرمایہ کاری کے مواقع سے سعودی صنعت کار فائدہ اٹھا سکتے ہیں ۔
ان خیالات کا اظہار انہوں نے اسلام آباد میں سعودی سفیر نواف بن سعید المالکی سے ملاقات کے دوران کیا۔ وزیر تجارت نے کہا کہ ملک کے 10 بڑے صنعتکاروں کا وفد آئندہ ماہ ان کی قیادت میں ریاض جائے گا۔ سعودی سفیر سے ملاقات میں پاک سعودی بزنس ٹو بزنس روابط کو مزید آگے بڑھانے پر اتفاق کیا گیا ۔
وزیر تجارت نے سعودی سفیر کو بتایا کہ پاکستان اور سعودی عرب کے درمیان آئی ٹی کے شعبے میں تعاون کو بڑھانے کے لیے متعدد اقدامات کئے گئے ہیں جن کے مثبت نتائج جلد آنا شروع ہو جائیں گے ۔ ڈاکٹر گوہر اعجاز نے کہا کہ پاکستان کے شمالی علاقہ جات بے پناہ قدرتی حسن سے مالامال ہیں ، ان علاقوں میں لگژری ریزورٹس میں سرمایہ کاری دونوں ممالک کے لئے فائدہ مند ثابت ہو سکتی ہے ۔
انہوں نے کہا کہ پاکستانی اشیا کی مارکیٹنگ کے لیے عالمی سطح پر ’’برانڈ پاکستان‘‘سٹورز قائم کرنے پر کام کر رہے ہیں اور جلد ہی مقامی طور پر تیار کردہ اشیا کو عالمی سطح پر متعارف کروایا جائے گا جس سے ملک میں زرمبادلہ آئے گا ۔
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
انتخابات کا نظام ملک کی سیاستی چھاپ میں اہم کردار ادا کرتا ہے۔ انتخابات کی وقت پہ ہونا ضروری ہے کیونکہ یہ معاشرتی اور سیاسی نظام کی سلامتی اور قائمیت کی بنیاد ہے، مختلف معاملات اور جوازات کا مجموعہ ہے جو ایک مستقل، انصافی، اور عوام کے ارادوں کے مطابق ہوتا ہے۔
-
عوام کو تعلیم و تربیت میں مزید بہتری حاصل کرانا چاہئے تاکہ وہ اپنی رائے کا صحیح اندازہ لگا سکیں اور اپنے لئے بہترین انتخاباتی فیصلے کر سکیں۔
میڈیا اور سماجی رابطوں کے ذریعے عوام کو انتخابات کی اہمیت اور مختلف نامے کنے والے نمائندگان کے با...
Facebook Comments