تازہ ترین
پاکستان سٹیل اور پیٹرو کیمیکل کے شعبوں میں سعودی سرمایہ کاری کا خواہاں
خبر رساں ادارے اے پی پی کے مطابق نگران وفاقی وزیر تجارت، صنعت و داخلہ ڈاکٹر گوہر اعجاز نے کہا ہے کہ پاکستان میں سٹیل اور پیٹرو کیمیکل کے شعبوں میں سرمایہ کاری کے مواقع سے سعودی صنعت کار فائدہ اٹھا سکتے ہیں ۔
ان خیالات کا اظہار انہوں نے اسلام آباد میں سعودی سفیر نواف بن سعید المالکی سے ملاقات کے دوران کیا۔ وزیر تجارت نے کہا کہ ملک کے 10 بڑے صنعتکاروں کا وفد آئندہ ماہ ان کی قیادت میں ریاض جائے گا۔ سعودی سفیر سے ملاقات میں پاک سعودی بزنس ٹو بزنس روابط کو مزید آگے بڑھانے پر اتفاق کیا گیا ۔
وزیر تجارت نے سعودی سفیر کو بتایا کہ پاکستان اور سعودی عرب کے درمیان آئی ٹی کے شعبے میں تعاون کو بڑھانے کے لیے متعدد اقدامات کئے گئے ہیں جن کے مثبت نتائج جلد آنا شروع ہو جائیں گے ۔ ڈاکٹر گوہر اعجاز نے کہا کہ پاکستان کے شمالی علاقہ جات بے پناہ قدرتی حسن سے مالامال ہیں ، ان علاقوں میں لگژری ریزورٹس میں سرمایہ کاری دونوں ممالک کے لئے فائدہ مند ثابت ہو سکتی ہے ۔
انہوں نے کہا کہ پاکستانی اشیا کی مارکیٹنگ کے لیے عالمی سطح پر ’’برانڈ پاکستان‘‘سٹورز قائم کرنے پر کام کر رہے ہیں اور جلد ہی مقامی طور پر تیار کردہ اشیا کو عالمی سطح پر متعارف کروایا جائے گا جس سے ملک میں زرمبادلہ آئے گا ۔
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
چیف سلیکٹر وہاب ریاض نے جمعرات کو خدشات کو دور کرتے ہوئے اس بات پر زور دیا کہ ان کا کردار فاسٹ باؤلر حارث رؤف کے کیریئر کو ختم کرنا نہیں بلکہ سنٹرل کنٹریکٹ کی خلاف ورزی پر توجہ دینا ہے۔ ریاض نے لاہور میں ایک پریس کانفرنس میں بتایا کہ رؤف کو دیا گیا نوٹس معاہدہ کی خلاف ورزی ...
-
زمبابوے کے کپتان سکندر رضا اور آئرلینڈ کے کھلاڑی کرٹس کیمفر اور جوش لٹل کو پہلے T20I کے دوران میدان میں جھگڑے کے بعد جرمانے کا سامنا کرنا پڑا۔ رضا پر جارحانہ انداز میں کیمفر اور لٹل تک پہنچنے کا الزام عائد کیا گیا تھا، آئرلینڈ کے تیز گیند باز پر رضا کے ساتھ جسمانی رابطہ کرن...
Facebook Comments