تازہ ترین
کسی کو وفاقی دارالحکومت کا امن و امان خراب کرنے کی ہرگز اجازت نہیں دیں گے - وفاقی وزیر داخلہ محسن نقوی
وفاقی وزیر داخلہ محسن نقوی نے کہا کہ کسی کو وفاقی دارالحکومت کا امن و امان خراب کرنے کی ہرگز اجازت نہیں دیں گے۔
علی الصبح وزیر داخلہ پولیس فورس کا حوصلہ بڑھانے کے لیے پولیس لائنز پہنچے۔ وزیر داخلہ نے اسلام آباد پولیس کی قیام امن کے لیے جانفشانی کی تعریف کی۔
پولیس فورس سے خطاب کرتے ہوئے وفاقی وزیر داخلہ محسن نقوی کا کہنا تھا کہ 24 نومبر کو بیلاروس کا وفد اور 25 نومبر کو بیلاروس کے صدر پاکستان کا دورہ کر رہے ہیں۔ اس کے پیش نظر ہمیں اسلام آباد شہر کو ہر صورت محفوظ رکھنا ہے۔ پولیس فورس کو ایک ٹیم کی طرح مل کر کام کرنا ہے تاکہ شہر میں امن و امان قائم رہے۔
انہوں نے پولیس فورس کو ہدایت کی کہ اسلام آباد کے امن و امان کو خراب کرنے والے ہر شخص کو گرفتار کیا جائے اور اس بار اسلام آباد میں قانون ہاتھ میں لینے والے کسی بھی شخص کو واپس نہیں جانے دیا جائے گا۔
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
لاہور ہائی کورٹ نے سیاسی جماعتوں سے انتخابی نشان واپس لینے کے الیکشن کمیشن کے اختیار کو درست قرار دے دیا۔
جسٹس شاہد بلال حسن نے سیاسی جماعتوں سے انتخابی نشان واپس لینے کے اختیار کے خلاف جمع کرائی گئی درخواست خ...
-
سابق وزیراعظم عمران خان اور ان کی اہلیہ بشریٰ بی بی کو غیر شرعی نکاح کیس میں 7، 7 برس قید کی سزا سنا دی گئی۔
سینئر سول جج قدرت اللہ نے بشری بی بی کے سابق شوہر خاور مانیکا کی درخواست پر فیصلہ سنایا، عمران خان اور بشریٰ بی بی کو 5 ،5 لاکھ روپے جرمانہ بھی کیا گی...
Facebook Comments