تازہ ترین
اسرائیل کے فضائی حملوں میں ایک دن میں 143 فلسطینی شہید، مجموعی شہادتیں 53 ہزار سے تجاوز کر گئیں
اسرائیلی فضائی حملوں کی نئی لہر میں جمعرات کی صبح سے اب تک کم از کم 143 فلسطینی شہید ہو چکے ہیں، جس کے بعد غزہ میں جاری جنگ کے دوران مجموعی شہادتوں کی تعداد 53,000 سے تجاوز کر گئی ہے۔
عینی شاہدین کے مطابق جبالیہ پناہ گزین کیمپ میں قائم الـتوبہ کلینک کو نشانہ بنایا گیا، جس میں 13 افراد جاں بحق ہوئے، جن میں خواتین اور بچے بھی شامل تھے۔ مقامی افراد نے بتایا کہ حملے کے وقت مریض اوپری منزل پر موجود تھے اور دھماکے کے بعد ان کے جسم کے چیتھڑے اُڑ گئے۔
طبی مراکز پر حملے نے انسانی حقوق کی تنظیموں اور عالمی برادری کو شدید تشویش میں مبتلا کر دیا ہے۔ اقوام متحدہ اور مختلف بین الاقوامی اداروں نے اسرائیلی اقدامات کو بین الاقوامی انسانی قوانین کی خلاف ورزی قرار دیا ہے۔
غزہ میں خوراک، پانی، اور طبی سہولیات کی شدید قلت ہے اور امدادی تنظیموں نے انسانی بحران پر فوری توجہ دینے کی اپیل کی ہے۔
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
ادب ایک کل وقتی عمل ہے جو مکمل وابستگی اور اخلاص کے ساتھ ہی ممکن ہے۔ ادب کی کوئی بھی صنف ہو، تخلیق کار کی مکمل یکسوئی کے بنا کچھ ممکن نہیں۔ اور جب کسی ایسے تخلیق کار پہ بات ہو کہ جو بیک وقت کئی اصنافِ ادب میں خدمات سرانجام دے رہا ہو تو حیرت اور مسرت کے ملے جلے جذبات کا اظہا...
-
جرمنی نے حصولِ شہریت کے قوانین میں نرمی اور دوہری شہریت رکھنے پر پابندی ختم کرنے کے لیے قانون سازی کی منظوری دے دی ہے۔
اس قانون کے بعد لوگ اس وقت چھ یا آٹھ سال کے بجائے تین یا پانچ سال کے بعد "خصوصی انضمام کی کامیابیوں" کی صورت میں شہریت ح...
Facebook Comments