تازہ ترین
آسٹریلیا میں دوسری بین الاقوامی علامہ اقبال کانفرنس
پاکستان آسٹریلیا لٹریری فورم (پالف) انکارپوریٹڈ نے دوسری بین الاقوامی علامہ اقبال کانفرنس کا باضابطہ اعلان کر دیا ہے۔یہ کانفرنس دو مراحل پر مشتمل ہو گی۔ جس میں پہلا حصہ آن لائن ۶ ستمبر ۲۰۲۵ کو ہو گا جبکہ دوسراحصہ بالمشافہ ایڈیلیڈ آسٹریلیا میں ۹ نومبر ۲۰۲۵ کو ہو گا۔ یہ تاریخی علمی و ادبی کانفرنس علامہ محمد اقبالؒ کی فکری میراث کو عالمی سطح پر فروغ دینے کے کے عزم کی علامت ہے۔ اس کانفرنس کا مقصد دنیا بھر سے دانشوروں، شعراء، اور محققین کو یکجا کرنا ہے تاکہ اقبال کی فکر کی عصر حاضر میں اہمیت کو تعلیم، تہذیبی شناخت، اور عالمی امن جیسے موضوعات پر زیر بحث لایا جا سکے۔ کانفرس میں دنیا بھر سے ماہرین اقبال اپنے مقالات کے ساتھ شریک ہوں گے جن میں نمایاں نام پروفیسر ڈاکٹر رئیس احمد صمدانی، پروفیسر ڈاکٹر محمد رفیق خان، ڈاکٹر عبدالروف رفیقی (ڈائریکٹر، اقبال اکیڈمی پاکستان)، ڈاکٹر شیر علی، ڈاکٹر تقی عابدی سید (کینیڈا)، محترمہ غوثیہ سلطان نوری (امریکہ)، طارق محمود مرزا (آسٹریلیا)، سیدہ ایف. گیلانی (آسٹریلیا)، ڈاکٹر عابد شیروانی ایڈووکیٹ، ڈاکٹر عادل سعید قریشی، ڈاکٹر تمنا شاہین (بھارت)، ڈاکٹر راحیلہ بی بی، ڈاکٹر شگفتہ فردوس، ڈاکٹر یاسمین کوثر، اور ڈاکٹر ریاض توحیدی (کشمیر) شریک ہیں۔
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
ہم وہ خوش نصیب نسل ہیں جسے احمد فراز صاحب سے ملنے،شعر سننے،مکالمہ کرنے،ہاتھ ملانے اور آٹوگراف لینے کے بے شمار مواقع انعام ہوئے۔۔
یہ خوش نصیبی کی اعلا مثال ہے کہ فراز صاحب پشاور سے تھے اور مجھے بھی اس شہر ہفت زبان میں جنم لینے،ابتدائی تعلیم حاصل کرنے اور ان گلیوں م...
-
ٹراؤزر اور ٹی شرٹ میں ملبوس گیارہ بارہ سال کی عمر ، قدرے سانولے رنگ ، چار ساڑھے چار فٹ کے قد اور بھاری جسم کے ایک لڑکے نے چند سال پہلے اطلاعی گھنٹی بجائی اور دروازہ کھلتے ہی کہا " باجی ۔۔میرا نام ساگر ہے ۔۔۔مجھے اختر بھائی نے بھیجا ہے ۔۔اماں کو بلادیں ۔"
Facebook Comments