تازہ ترین
ایران کا امریکی حملوں پر شدید ردعمل، ٹرمپ کا حکومت کی تبدیلی کا اشارہ
ایران کے سپریم لیڈر آیت اللہ علی خامنہ ای نے امریکا اور اسرائیل کی مشترکہ فوجی کارروائی کے بعد “صیہونی دشمن” کو سخت سزا دینے کا اعلان کیا ہے۔ یہ خامنہ ای کا پہلا باضابطہ ردعمل ہے جو انہوں نے حملوں کے بعد دیا۔
دوسری جانب امریکی صدر ڈونلڈ ٹرمپ نے ایران میں حکومت کی تبدیلی کا عندیہ دیتے ہوئے کہا، "اگر موجودہ ایرانی حکومت ایران کو دوبارہ عظیم نہیں بنا سکتی، تو تبدیلی کیوں نہ ہو؟"
ایرانی صدر مسعود پزشکیان نے کہا ہے کہ امریکا کو اپنے حملوں کا جواب ضرور دیا جائے گا۔ ایران اور اسرائیل کے درمیان حملوں کا سلسلہ جاری ہے، اور خطے میں کشیدگی عروج پر پہنچ چکی ہے۔
ادھر اقوام متحدہ کے جوہری نگران ادارے نے تصدیق کی ہے کہ ایران کے فوردو، نطنز اور اصفہان کے جوہری تنصیبات پر امریکی بمباری کے باوجود تابکاری کی سطح میں کوئی اضافہ ریکارڈ نہیں ہوا۔
ایران کے مطابق 13 جون سے اسرائیلی حملوں کے آغاز کے بعد اب تک 400 سے زائد افراد جاں بحق اور 3,000 سے زائد زخمی ہو چکے ہیں۔ اسرائیلی حکام نے بھی ایرانی حملوں میں 24 افراد کی ہلاکت کی تصدیق کی ہے۔
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
فتح جنگ میں کتاب میلہ کا اہتمما کیا گیا جس میں عالقہ کی اسسٹنٹ کمشنر انزہ عباسی نے خصوصی معاونت اور دلچسپی کا اظہار کیا۔ اس میلے میں فتح جنگ کے علاوہ دیگر علاقوں مانسہرہ، ہری پور، ٹیکسلا، راولپنڈی، حضرو، اٹک وغیرہ سے ادب دوست شرکاء نے کثیر تعداد میں شرکت کی۔
تصویر...
-
جب ملک آزاد ہو رہا تھا تب عین اسی وقت گدھوں کا ایک جھنڈ مردار گوشت کھاتا ہوا اڑتا چیختا چنگھاڑتا ہوا ارض وطن پہنچا اپنے سیاہ ماتھے اور کالی شکلوں پر سفیدی لگائے ہوئے جسے لوگ جاگیردار اصطبلشمنٹ اور صنعتکار جیسے ناموں سے جانتی ہے۔ گدھوں کو مردار کھانے تک محدود رکھنے پر کچھ چو...
Facebook Comments