تازہ ترین
بھارت کی کسی بھی مہم جوئی کا بھرپور جواب دیا جائے گا، جنگ میں پہل نہیں کریں گے، اسحاق ڈار
نائب وزیر اعظم و وزیر خارجہ اسحاق ڈار نے ڈی جی آئی ایس پی آر لیفٹیننٹ جنرل احمد شریف کے ہمراہ مشترکہ پریس کانفرنس میں کہا ہے کہ پاکستان جنگ کا خواہاں نہیں، مگر اگر بھارت نے کوئی مہم جوئی کی تو ہمارا جواب سخت اور بھرپور ہوگا۔
انہوں نے حالیہ پہلگام واقعے میں جاں بحق شہریوں سے اظہار ہمدردی کرتے ہوئے کہا کہ معصوم شہریوں کا قتل ناقابل قبول ہے اور پاکستان ہر سطح پر دہشت گردی کی مذمت کرتا ہے۔ انہوں نے بھارت کے غیر ذمہ دارانہ رویے کو خطے کے امن کے لیے خطرہ قرار دیا۔
اسحاق ڈار نے کہا کہ بھارت کشمیر کی آزادی کی جدوجہد کو دہشت گردی سے جوڑنے کی مذموم کوشش کر رہا ہے تاکہ اپنی اندرونی ناکامیوں سے توجہ ہٹائی جا سکے۔ انہوں نے زور دیا کہ مقبوضہ کشمیر میں انسانی حقوق کی سنگین خلاف ورزیاں کی جا رہی ہیں۔
انہوں نے خبردار کیا کہ اگر بھارت نے سندھ طاس معاہدے کی خلاف ورزی کرتے ہوئے پانی روکا تو یہ پاکستان کے لیے جنگ کے مترادف ہوگا:
"پانی پاکستان کی زندگی ہے، اس میں مداخلت ناقابل برداشت ہے۔"
نائب وزیر اعظم نے کہا کہ پاکستان نے دہشت گردی کے خلاف سب سے زیادہ قربانیاں دی ہیں اور عالمی برادری کو چاہیے کہ وہ بھارت کے اشتعال انگیز اقدامات کا نوٹس لے۔
وزیر اعظم شہباز شریف کی طرف سے پہلگام واقعے کی غیر جانبدار تحقیقات میں تعاون کی پیشکش کا بھی اعادہ کیا گیا۔
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
لاہور (ضابطہ): پاکستان کرکٹ ٹیم کے آل راؤنڈر شعیب ملک نے اداکارہ ثنا جاوید سے شادی کر لی۔
شعیب ملک اور ثنا جاوید نے اپنے سوشل میڈیا اکاؤنٹس پر شادی کی تصاویر شیئر کیں۔ یاد رہے کہ ثانیہ مرزا اور شعیب اختر کے درمیان طلاق کی خبریں گرد...
-
شعیب ملک اور ثنا جاوید کی شادی کے اعلان کے بعد سوشل میڈیا پہ بحث چھڑ گئی۔ کچھ لوگ اسے پاکستان بھارت کے تناظر میں دیکھ رہے اورکچھ ثانیہ اور شعیب کو لے کر اپنے جذبات کا اظہار کر رہے ہیں۔ ایسے میں سوشل میڈیا صارفین کی جانب سے شعیب ملک، ثانیہ مرزا اور ثنا جاوید کی پرانی تصاویر ...
Facebook Comments