USNews Logo

پی ٹی آئی کے چیئرمین بیرسٹر گوہر نے قوم کو عید کی مبارکباد دیتے ہوئے افسوس کا اظہار کیا کہ بانی پی ٹی آئی عمران خان مسلسل تیسری عید جیل میں گزار رہے ہیں۔ انہوں نے کہا کہ ان کی رہائی کے بغیر عید کی خوشیاں ادھوری ہیں اور دعا کی کہ اگلی عید عمران خان ہمارے درمیان ہوں۔

انہوں نے عوام سے اپیل کی کہ وہ قید کارکنوں اور قائدین کی قربانیوں کو یاد رکھیں۔ بیرسٹر گوہر نے اعلان کیا کہ اپوزیشن جماعتوں کو ساتھ ملا کر عمران خان کی رہائی اور قانون کی بالادستی کے لیے تحریک چلائی جائے گی۔ اختلاف رائے کی گنجائش کو تسلیم کرتے ہوئے انہوں نے واضح کیا کہ پارٹی میں کوئی اختلاف نہیں ہے۔ انہوں نے اس بات کی بھی تصدیق کی کہ عمران خان کو علی امین گنڈاپور پر مکمل اعتماد ہے اور ان کے خلاف پھیلائے جانے والے تمام الزامات بے بنیاد ہیں۔ مزید برآں، انہوں نے اپیل کی کہ عوامی مقبولیت رکھنے والے لیڈر کو مزید عوام سے دور نہ رکھا جائے۔