تازہ ترین
ملک کی سلامتی اور استحکام کو ہر قیمت پر یقینی بنایا جائے گا: صدر آصف زرداری
ایوان صدر میں یوم پاکستان کی مرکزی تقریب کے دوران مسلح افواج کی پریڈ سے خطاب کرتے ہوئے صدر مملکت آصف علی زرداری نے قوم کو مبارکباد دی اور 23 مارچ کی اہمیت پر روشنی ڈالی۔ انہوں نے کہا کہ پاکستانی عوام نے آزادی کے لیے بے شمار قربانیاں دیں، اور یہ دن ہمیں اتحاد اور استقامت کی ضرورت کا احساس دلاتا ہے۔
صدر زرداری نے کہا کہ قوم اور مسلح افواج نے ہمیشہ مادر وطن کی حفاظت کے لیے ہر قربانی دینے سے دریغ نہیں کیا اور بیرونی و اندرونی دہشتگردی کا بہادری سے مقابلہ کیا ہے۔ انہوں نے اس عزم کا اعادہ کیا کہ پاکستان دشمن قوتوں کے خلاف ہمیشہ مضبوطی سے کھڑا رہے گا۔
بھارت کے عزائم پر بات کرتے ہوئے صدر نے کہا کہ پاکستان ہمیشہ اس کی میلی نظروں کا سامنا کرتا رہا ہے، لیکن عوام اور افواج ایک مضبوط دیوار کی طرح متحد ہیں۔ انہوں نے دہشتگرد تنظیموں اور فتنہ الخوارج کو واضح پیغام دیتے ہوئے کہا کہ ان کے مذموم عزائم کو کبھی کامیاب نہیں ہونے دیا جائے گا، اور ملک کی سلامتی اور استحکام کو ہر قیمت پر یقینی بنایا جائے گا۔
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
تاج برطانیہ کا ملازم جی پی ٹینٹ اپنی کتا ب ”افغانستان تاریخ کے آئینے میں“ جس کا اُردو ترجمہ ارشد عزیز نے کیا ہے کہ لکھتا ہے کی افغان نہات جری اور جفاکش باشندے ہیں۔ان میں قوم پرستی اور اپنی مذہب سے لگن اور محبت کا جذبہ کوٹ کوٹ کر بھرا ہوا ہے۔افغان قدرتی طور پر آز...
-
اردو شعری روایت کے آغاز و ارتقا میں حضور صلاۃ والتسلیم کی نعت کو ہمیشہ تقدیم حاصل رہی ہے۔ یہی وجہ ہے کہ خالصتاََ مجموعہ ہائے نعت کے علاوہ دیگر شعری اصناف کا آغاز بھی حمد و نعت سے کیا جاتا ہے۔ حتیٰ کہ غیر مسلم اردو شعرا کے ہاں بھی یہ روایت بدرجہ اتم موجود ہے۔ وہ بھی آقائے دو...
Facebook Comments