تازہ ترین
ملک کی سلامتی اور استحکام کو ہر قیمت پر یقینی بنایا جائے گا: صدر آصف زرداری
ایوان صدر میں یوم پاکستان کی مرکزی تقریب کے دوران مسلح افواج کی پریڈ سے خطاب کرتے ہوئے صدر مملکت آصف علی زرداری نے قوم کو مبارکباد دی اور 23 مارچ کی اہمیت پر روشنی ڈالی۔ انہوں نے کہا کہ پاکستانی عوام نے آزادی کے لیے بے شمار قربانیاں دیں، اور یہ دن ہمیں اتحاد اور استقامت کی ضرورت کا احساس دلاتا ہے۔
صدر زرداری نے کہا کہ قوم اور مسلح افواج نے ہمیشہ مادر وطن کی حفاظت کے لیے ہر قربانی دینے سے دریغ نہیں کیا اور بیرونی و اندرونی دہشتگردی کا بہادری سے مقابلہ کیا ہے۔ انہوں نے اس عزم کا اعادہ کیا کہ پاکستان دشمن قوتوں کے خلاف ہمیشہ مضبوطی سے کھڑا رہے گا۔
بھارت کے عزائم پر بات کرتے ہوئے صدر نے کہا کہ پاکستان ہمیشہ اس کی میلی نظروں کا سامنا کرتا رہا ہے، لیکن عوام اور افواج ایک مضبوط دیوار کی طرح متحد ہیں۔ انہوں نے دہشتگرد تنظیموں اور فتنہ الخوارج کو واضح پیغام دیتے ہوئے کہا کہ ان کے مذموم عزائم کو کبھی کامیاب نہیں ہونے دیا جائے گا، اور ملک کی سلامتی اور استحکام کو ہر قیمت پر یقینی بنایا جائے گا۔
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
علامہ راجہ ناصر عباس،محمود خان اچکزئی، اختر مینگل اور صاحبزادہ حامد رضا قومی سلامتی کمیٹی اجلاس میں شریک نہیں ہوں گے۔ پی ٹی آئی نے اجلاس میں شرکت کو بانی پی ٹی آئی سے ملاقات سے مشروط کر دیا۔ سیاسی کمیٹی کے جاری کردہ ...
-
وزیراعظم شہباز شریف نے سیکیورٹی فورسز کی پیشہ ورانہ صلاحیتوں کو سراہتے ہوئے آپریشن میں تین دہشتگردوں کے انجام تک پہنچنے پر افسران اور جوانوں کی تعریف کی۔ انہوں نے کہا کہ ملک سے دہشتگردی کے مکمل خاتمے تک اس کے...
Facebook Comments