معروف اداکار منوج کمار 87 برس کی عمر میں انتقال کر گئے

بالی ووڈ کے لیجنڈری اداکار اور پدم شری ایوارڈ یافتہ منوج کمار 4 اپریل 2025 کو 87 سال کی عمر میں انتقال کر گئے۔ وہ 21 فروری سے اسپتال میں زیرِ علاج تھے اور ان کی طبیعت مسلسل بگڑ رہی تھی۔

طویل علالت کے بعد ان کا انتقال ہوا، جس کے بعد ان کی میت کو اہل خانہ کی خواہش اور روایتی رسومات کے مطابق اسپتال سے گھر منتقل کیا گیا۔

"بھارت کمار" کے نام سے مشہور منوج کمار نے اپکار، پورب اور پچھم، اور کرانتی جیسے لازوال فلموں میں یادگار کردار ادا کیے۔ ان کی خدمات پر انہیں پدم شری اور متعدد قومی فلم ایوارڈز سے نوازا گیا۔

ان کے انتقال پر مداحوں، فلمی برادری اور سیاسی رہنماؤں نے گہرے رنج و غم کا اظہار کیا ہے اور اسے بھارتی سینما کے ایک سنہرے دور کا اختتام قرار دیا ہے۔

ضَابِطَہ

مصنف کے بارے میں

ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔