تازہ ترین
پیوتن کا دورۂ بھارت: واشنگٹن سے بڑھتی کشیدگی کے درمیان نئی دہلی سے سفارتی توازن قائم کرنے کی کوششیں
روسی صدر ولادیمیر پیوٹن جمعرات کی شام بھارت کے دارالحکومت نئی دہلی پہنچے، جو یوکرین پر روس کے مکمل حملے کے بعد تقریباً چار سال میں ان کا پہلا بھارتی دورہ ہے۔ یہ دورہ ایسے وقت میں ہورہا ہے جب یوکرین جنگ کے حل کے لیے امریکہ کی تازہ کوششیں بھی سست ہوتی دکھائی دے رہی ہیں۔
بھارتی وزیراعظم نریندر مودی نے سفارتی روایت توڑتے ہوئے خود ایئرپورٹ پر جا کر پیوٹن کا استقبال کیا اور انہیں اپنے مخصوص انداز میں گلے لگایا۔
پیوٹن کا 30 گھنٹے کا مختصر دورہ اس وقت ہو رہا ہے جب امریکا اور بھارت کے تعلقات میں نمایاں تناؤ دیکھا جا رہا ہے۔ امریکہ، روس کے ساتھ بھارت کے پرانے اسٹریٹیجک تعلقات اور جنگ کے دوران روسی تیل کی خرید میں اضافے پر بھارت پر ٹیرف اور ممکنہ پابندیوں کی دھمکی دے چکا ہے۔
یہ صورتحال نئی دہلی کے اس دیرینہ سفارتی توازن کو مزید نازک بنا رہی ہے، جس میں وہ روس سے قریبی روابط برقرار رکھنے کے ساتھ ساتھ مغربی ممالک کے ساتھ مضبوط شراکت داری بھی قائم رکھنا چاہتا ہے۔
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
پاکستان ایئر فورس نے مقامی طور پر تیار کردہ تیمور ویپن سسٹم کا کامیاب فلائٹ ٹیسٹ کر لیا ہے۔
آئی ایس پی آر کے...
-
امریکی صدر ڈونلڈ ٹرمپ نے دعویٰ کیا ہے کہ ہفتے کی صبح وینزویلا کے خلاف بڑے پیمانے پر امریکی فوجی کارروائی کی گئی، جس کے دوران صدر نکولس مادورو اور ان کی اہلیہ کو گرفتار کر کے ملک سے باہر منتقل کر دیا گیا۔
Facebook Comments