تازہ ترین
قومی سلامتی کمیٹی کا اجلاس: بھارتی جارحیت پر شدید تشویش، پاک فوج کو مکمل جوابی کارروائی کی منظوری
وزیراعظم شہباز شریف کی زیر صدارت قومی سلامتی کمیٹی کا اہم اجلاس ہوا جس میں گزشتہ رات بھارتی جارحیت، پاک فوج کے مؤثر جواب اور آئندہ کے لائحہ عمل پر غور کیا گیا۔ اجلاس میں وفاقی وزراء، تینوں مسلح افواج کے سربراہان اور اعلیٰ حکام شریک ہوئے۔
اجلاس میں بھارتی حملوں کے نتیجے میں شہید ہونے والے شہریوں کے لیے فاتحہ خوانی اور زخمیوں کی جلد صحتیابی کی دعا کی گئی۔ اعلامیہ میں بھارتی اقدام کو پاکستان کی خودمختاری اور علاقائی سالمیت کی صریح خلاف ورزی قرار دیا گیا۔
اعلامیہ کے مطابق بھارتی افواج نے سیالکوٹ، شکرگڑھ، مریدکے، بہاولپور، کوٹلی اور مظفرآباد میں بلااشتعال حملے کیے، جن میں خواتین، بچے اور عام شہری شہید ہوئے جبکہ مساجد و عمارتوں کو نقصان پہنچا۔
قومی سلامتی کمیٹی نے بھارتی بزدلانہ حملے پر شدید تشویش کا اظہار کرتے ہوئے پاک فوج کو ہر ضروری جوابی کارروائی کی مکمل اجازت دے دی۔ اجلاس نے واضح کیا کہ بھارت کا اقدام بین الاقوامی قوانین کی کھلی خلاف ورزی اور جنگی اقدام کے زمرے میں آتا ہے۔
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
نائب امیر جماعت اسلامی لیاقت بلوچ نے حکومت، ریاستی اداروں اور سرکاری بھتہ خوری کو معیشت کی تباہی کا ذمہ دار قرار دیا ہے۔
انہوں نے کہا کہ بلوچستان کے مسائل کو قومی یکجہتی اور ملی جذبے سے حل کرنا ہوگا۔ ساتھ ہی، خطے میں جاری گریٹ گیم کا مقابلہ کرنے کے لیے مؤثر حکمت ع...
-
مائیکل جیکسن کے زندہ ہونے کی قیاس آرائیاں ایک بار پھر شدت اختیار کر رہی ہیں، کیونکہ کچھ مداحوں کا دعویٰ ہے کہ انہوں نے حالیہ تصاویر اور ویڈیوز میں "کنگ آف پاپ" کو دیکھا ہے۔ حالانکہ وہ 2009 میں سرکاری طور پر انتقال کر چکے ہیں، مگر کچھ نظریات کے مطابق انہوں نے شہرت ...
Facebook Comments