تازہ ترین
سندھ طاس معاہدے کی خلاف ورزی پر بھرپور جواب دیں گے، وزیراعظم شہباز شریف
پاکستان ملٹری اکیڈمی کاکول میں کیڈٹس کی پاسنگ آؤٹ تقریب سے خطاب کرتے ہوئے وزیراعظم شہباز شریف نے خبردار کیا کہ اگر سندھ طاس معاہدے کی خلاف ورزی کرتے ہوئے پاکستان کا پانی روکا گیا تو بھرپور جواب دیا جائے گا۔
وزیراعظم نے کہا کہ پاکستان نے دہشتگردی کو ہر صورت مسترد کیا ہے، جس کے خلاف لڑتے ہوئے 90 ہزار پاکستانیوں نے جانوں کا نذرانہ پیش کیا اور ملکی معیشت کو اربوں ڈالر کا نقصان اٹھانا پڑا۔
انہوں نے کہا کہ پاکستان اقوام متحدہ کی سلامتی کونسل کے غیر مستقل رکن کی حیثیت سے عالمی امن کے لیے اپنی کاوشیں جاری رکھے گا۔ افغانستان کے حوالے سے وزیراعظم نے کہا کہ پاکستان پر افغان سرزمین سے دہشتگرد حملے ناقابل قبول ہیں، اور امن پر مبنی تعلقات کی خواہش کے باوجود قومی سلامتی پر کوئی سمجھوتہ نہیں ہوگا۔
کشمیر پر بات کرتے ہوئے انہوں نے قائداعظم کے بیان کا حوالہ دیا کہ کشمیر پاکستان کی شہ رگ ہے، اور عالمی برادری مسئلہ کشمیر کے حل میں ناکام نظر آتی ہے۔
وزیراعظم نے غزہ میں اسرائیلی مظالم کی شدید مذمت کی اور عالمی برادری سے مظالم رکوانے کا مطالبہ کیا۔
تقریب میں وزیراعظم نے پاس آؤٹ کیڈٹس کو مبارکباد دی اور ملکی معیشت کی بحالی کے بعد ترقی کے سفر میں دفاع، معدنیات اور سرمایہ کاری کے شعبوں میں پیش رفت کا عزم بھی دہرایا۔
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
آسٹریلیا کے بین الاقوامی شہرت یافتہ کھلاڑی کرٹلی بیل جنسی زیادتی کیس میں بے قصور ٹھہرے۔
کرٹلی بیل کو 2022 میں بوندی بیچ کے قریب ایک ہوٹل کے بار کے ٹوائلٹ میں ایک خاتون کے ساتھ پیش آنے والے جنسی زیادتی کے تین الزامات میں ملزم نامزد کیا گیا تھا۔ 35 سالہ نوجوان ...
-
دنیا بھر میں ماحولیاتی تبدیلی کے بنیادی نقصانات سامنے آ رہے ہیں، اور ماحول کی حفاظت اور ترقی کے لیے عالمی سطح پہ کئی تنظیمیں اور ادارے کام کر رہے ہیں۔ پلاسٹک کی صنعت نے انسانی زندگی میں بہتریاں لائی ہیں، لیکن اس کے استعمال کی زیادتی نے ماحول کو خاصا نقصان پہنچایا ہے جس...
Facebook Comments