وزیراعلیٰ خیبرپختونخوا علی امین گنڈا پور کا دعویٰ، وفاقی رکاوٹوں کے باوجود معاشی کارکردگی تینوں صوبوں سے بہتر ہے

وزیراعلیٰ خیبرپختونخوا علی امین گنڈا پور نے کہا ہے کہ وفاقی حکومت سے رکاوٹوں کے باوجود ان کی حکومت کی معاشی صورت حال تینوں صوبوں سے بہتر ہے۔

پشاور میں ایک تقریب سے خطاب کرتے ہوئے وزیر اعلیٰ علی امین گنڈا پور نے کہا، "ہم نے اپنی پوری آبادی کو صحت کارڈ پلس دیا، پنجاب کی کارکردگی ہماری ایک فیصد کارکردگی کے برابر بھی نہیں۔ وزیراعلیٰ پنجاب سے کارکردگی پر مناظرے کے لیے تیار ہوں۔"

انہوں نے مزید کہا کہ مشکل حالات کے باوجود خیبرپختونخوا نے آمدن میں 55 فیصد اضافہ کیا۔ انہوں نے یہ بھی کہا کہ خیبرپختونخوا واحد صوبہ ہے جس نے آئی ایم ایف کا ٹارگٹ حاصل کیا ہے، جب کہ دوسرے کسی صوبے نے یہ ہدف حاصل نہیں کیا۔ گنڈا پور نے بتایا کہ صوبے کے خزانے میں 176 ارب روپے کا سرپلس موجود ہے۔ انہوں نے یہ بھی کہا کہ جیسے پنجاب کے جتنے فیصد طلبہ کو لیپ ٹاپ دیے جا رہے ہیں، ہم بھی اتنے ہی فیصد طلبہ کو مفت لیپ ٹاپ فراہم کریں گے۔

ضَابِطَہ

مصنف کے بارے میں

ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔