تازہ ترین
وزیراعظم کا پاک فضائیہ کے شاہینوں سے خطاب، 6 بھارتی طیارے مار گرانے کا دعویٰ
وزیراعظم شہباز شریف نے کہا ہے کہ پاک فضائیہ کے شاہینوں نے دشمن کے 6 جنگی طیارے مار گرائے ہیں اور رافیل طیارے کا گرنا مودی کو قیامت تک یاد رہے گا۔
وزیراعظم نے یہ بات پاک فضائیہ کے جوانوں سے خطاب کے دوران کہی۔ انہوں نے کہا کہ بھارت کی جارحیت کے خلاف شاندار فتح پر مسلح افواج کو مبارکباد پیش کرتا ہوں۔ ان کا کہنا تھا کہ بھارت کا جنگی جنون اب اتر چکا ہے اور اب وقت ہے کہ امن کی بات کی جائے۔ شہباز شریف نے کہا کہ "ابھی میں اُن عظیم ماؤں کے بیٹوں سے مل کر آیا ہوں جنہوں نے دشمن کی غرور، تکبر اور جارحیت کو خاک میں ملا دیا۔ ان جوانوں نے اعلیٰ ترین پیشہ ورانہ مہارت اور دلیری کا مظاہرہ کیا"۔
وزیراعظم کا کہنا تھا کہ اس مختصر جنگ میں پاکستان نے نہ صرف دشمن کے دانت توڑے بلکہ خطے اور دنیا میں طاقت کا توازن بھی بدل دیا ہے۔ انہوں نے اللہ تعالیٰ کا شکر ادا کرتے ہوئے کہا کہ "اس عظیم کامیابی پر ہماری گردنیں اللہ کے حضور جھکی ہوئی ہیں"۔ مزید کہا کہ: "ہم نے دشمن کو واضح پیغام دے دیا ہے کہ اگر دوبارہ میلی آنکھ سے وطن عزیز کی طرف دیکھا تو اس کو پاؤں تلے روند دیا جائے گا۔"
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
تاج برطانیہ کا ملازم جی پی ٹینٹ اپنی کتا ب ”افغانستان تاریخ کے آئینے میں“ جس کا اُردو ترجمہ ارشد عزیز نے کیا ہے کہ لکھتا ہے کی افغان نہات جری اور جفاکش باشندے ہیں۔ان میں قوم پرستی اور اپنی مذہب سے لگن اور محبت کا جذبہ کوٹ کوٹ کر بھرا ہوا ہے۔افغان قدرتی طور پر آز...
-
اردو شعری روایت کے آغاز و ارتقا میں حضور صلاۃ والتسلیم کی نعت کو ہمیشہ تقدیم حاصل رہی ہے۔ یہی وجہ ہے کہ خالصتاََ مجموعہ ہائے نعت کے علاوہ دیگر شعری اصناف کا آغاز بھی حمد و نعت سے کیا جاتا ہے۔ حتیٰ کہ غیر مسلم اردو شعرا کے ہاں بھی یہ روایت بدرجہ اتم موجود ہے۔ وہ بھی آقائے دو...
Facebook Comments