تازہ ترین
وزیراعظم شہباز شریف کا ایرانی صدر سے رابطہ، اسرائیلی حملوں پر اظہارِ یکجہتی
وزیراعظم شہباز شریف نے ایرانی صدر ڈاکٹر مسعود پزشکیان سے ٹیلیفونک رابطہ کیا اور اسرائیلی جارحیت کے بعد پیدا ہونے والی علاقائی سیکیورٹی صورتحال پر تبادلہ خیال کیا۔
وزیراعظم نے ایران پر اسرائیلی حملوں کی شدید مذمت کرتے ہوئے انہیں ایران کی خودمختاری اور علاقائی سالمیت کی کھلی خلاف ورزی قرار دیا۔ انہوں نے کہا کہ یہ حملے اقوام متحدہ کے چارٹر اور بین الاقوامی قوانین کے منافی ہیں، اور ایران کو اقوام متحدہ کے چارٹر کے آرٹیکل 51 کے تحت اپنے دفاع کا مکمل حق حاصل ہے۔
شہباز شریف نے جانی نقصان پر ایرانی صدر سے دلی تعزیت کا اظہار کیا اور کہا کہ اسرائیل کی اشتعال انگیزی خطے اور دنیا کے امن و استحکام کے لیے سنگین خطرہ ہے۔
وزیراعظم نے عالمی برادری اور اقوام متحدہ سے مطالبہ کیا کہ وہ اسرائیل کے غیر قانونی اقدامات کو روکنے کے لیے فوری اور مؤثر اقدامات کریں۔ انہوں نے اس عزم کا اعادہ کیا کہ پاکستان خطے میں امن کے فروغ کے لیے پرعزم ہے اور مثبت کردار ادا کرنے کو تیار ہے۔
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
چیف سلیکٹر وہاب ریاض نے جمعرات کو خدشات کو دور کرتے ہوئے اس بات پر زور دیا کہ ان کا کردار فاسٹ باؤلر حارث رؤف کے کیریئر کو ختم کرنا نہیں بلکہ سنٹرل کنٹریکٹ کی خلاف ورزی پر توجہ دینا ہے۔ ریاض نے لاہور میں ایک پریس کانفرنس میں بتایا کہ رؤف کو دیا گیا نوٹس معاہدہ کی خلاف ورزی ...
-
زمبابوے کے کپتان سکندر رضا اور آئرلینڈ کے کھلاڑی کرٹس کیمفر اور جوش لٹل کو پہلے T20I کے دوران میدان میں جھگڑے کے بعد جرمانے کا سامنا کرنا پڑا۔ رضا پر جارحانہ انداز میں کیمفر اور لٹل تک پہنچنے کا الزام عائد کیا گیا تھا، آئرلینڈ کے تیز گیند باز پر رضا کے ساتھ جسمانی رابطہ کرن...
Facebook Comments