تازہ ترین
وزیراعظم شہباز شریف کا ایرانی صدر سے رابطہ، اسرائیلی حملوں پر اظہارِ یکجہتی
وزیراعظم شہباز شریف نے ایرانی صدر ڈاکٹر مسعود پزشکیان سے ٹیلیفونک رابطہ کیا اور اسرائیلی جارحیت کے بعد پیدا ہونے والی علاقائی سیکیورٹی صورتحال پر تبادلہ خیال کیا۔
وزیراعظم نے ایران پر اسرائیلی حملوں کی شدید مذمت کرتے ہوئے انہیں ایران کی خودمختاری اور علاقائی سالمیت کی کھلی خلاف ورزی قرار دیا۔ انہوں نے کہا کہ یہ حملے اقوام متحدہ کے چارٹر اور بین الاقوامی قوانین کے منافی ہیں، اور ایران کو اقوام متحدہ کے چارٹر کے آرٹیکل 51 کے تحت اپنے دفاع کا مکمل حق حاصل ہے۔
شہباز شریف نے جانی نقصان پر ایرانی صدر سے دلی تعزیت کا اظہار کیا اور کہا کہ اسرائیل کی اشتعال انگیزی خطے اور دنیا کے امن و استحکام کے لیے سنگین خطرہ ہے۔
وزیراعظم نے عالمی برادری اور اقوام متحدہ سے مطالبہ کیا کہ وہ اسرائیل کے غیر قانونی اقدامات کو روکنے کے لیے فوری اور مؤثر اقدامات کریں۔ انہوں نے اس عزم کا اعادہ کیا کہ پاکستان خطے میں امن کے فروغ کے لیے پرعزم ہے اور مثبت کردار ادا کرنے کو تیار ہے۔
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
اسلام آباد ہائیکورٹ کے چیف جسٹس، عامر فاروق، نے حکومت کی جانب سے نان فائلرز کی موبائل سمز بند کرنے کے خلاف ایک نجی موبائل فون کمپنی کی درخواست کی سماعت کی۔ نجی موبائل فون کمپنی کے وکیل، سلمان اکرم راجہ، عدالت میں ارکان کے سامنے پیش ہوئے اور دعویٰ کیا کہ حالیہ آئین کی مدد سے...
-
وفاقی وزیر داخلہ محسن نقوی نے کہا کہ کسی کو وفاقی دارالحکومت کا امن و امان خراب کرنے کی ہرگز اجازت نہیں دیں گے۔
علی الصبح وزیر داخلہ پولیس فورس کا حوصلہ بڑھانے کے لیے پولیس لائنز پہنچے۔ وزیر داخلہ نے اسلام آباد پولیس کی قیام امن ...
Facebook Comments