عظمیٰ بخاری کا وزیراعلیٰ خیبرپختونخوا کو مشورہ: پہلے خود قانون کا مطالعہ کریں

صوبائی وزیر اطلاعات پنجاب عظمیٰ بخاری نے وزیراعلیٰ خیبرپختونخوا سہیل آفریدی کی جانب سے وزیراعلیٰ پنجاب مریم نواز کو لکھے گئے خط پر سخت ردعمل دیتے ہوئے مشورہ دیا ہے کہ وہ پہلے خود قانون کا مطالعہ کریں۔

اپنے بیان میں عظمیٰ بخاری کا کہنا تھا کہ سہیل آفریدی ہمیں قانون نہ پڑھائیں، جیلوں میں قیدیوں سے ملاقاتیں کروانا وزیراعلیٰ پنجاب کا اختیار نہیں۔ انہوں نے واضح کیا کہ مریم نواز کسی سرکاری افسر کے کام میں مداخلت نہیں کرتیں۔

عظمیٰ بخاری کے مطابق عمران خان سے ہفتے میں دو روز ملاقاتیں ہوتی ہیں، اب تک ان کے وکلا کی 420 جبکہ خاندان کے افراد کی 189 ملاقاتیں ہو چکی ہیں۔ انہوں نے کہا کہ سہیل آفریدی دوسروں کو قانون سکھانے کے بجائے پہلے خود اس کا مطالعہ کریں۔

ضَابِطَہ

مصنف کے بارے میں

ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔