تازہ ترین
جواہرات بہت خوش نما سنگھار میں ہیں / بدر۔م۔ ژرف
جواہرات بہت خوش نما سنگھار میں ہیں
خلل پذیر ہیں گو دل پذیر پیار میں ہیں
مجھے مراد کا حاصل ہے سہل کر لینا
مفاد اس سے مگر تیرے اختیار میں ہیں
بقیہ اچھے ہوں جیسے گزرنے والے تھے
رفاقتوں کے جو لمحات انتظار میں ہیں
جنون میں تھا ابھی جانا، عندلیب کا رمز
بہار ان میں نہیں ہے کہ جو بہار میں ہیں
ہزار شہر میں تھے گرد خیز، گم کردہ
فقیرِ گم شدہ کی پستیٔ مزار میں ہیں
رواں ہیں دیدۂ جاناں کو اشک بہرِ مقام
خلیج آبِ ستادہ کے انحصار میں ہیں
اصول پیش رہا گرچہ کرب شدت تھا
سرشک چشم گریزاں مگر قطار میں ہیں
نم ان کی آنکھ میں ارحم تھا میرے گریہ میں
دھنک کے رنگ سبھی شامل آبشار میں ہیں
کبھی نہیں تھا سروکار روزگار سے ژرفؔ
یہ روزگار کے جھگڑے بھی روزگار میں ہیں
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
جوں جوں آئندہ انتخابات قریب آرہے ہیں، پاکستان خود کو سیاسی طوفان کی لپیٹ میں پاتا ہے، بڑے کھلاڑی اپنی پوزیشنیں محفوظ کرنے کے لیے مختلف حکمت عملی کا استعمال کر رہے ہیں۔ معاملات ہمیشہ کی طرح غیر متوقع ہیں، کہیں اتحاد تو کہیں دھوکہ دہی، اور وفاداریاں کا ادل بدل ہے۔ جو ملک کے س...
-
ہسپانوی فٹ بال فیڈریشن کے سابق صدر لوئس روبیلز کو ویمنز ورلڈ کپ فائنل کے بعد متنازعہ رویے کے جواب میں فیفا نے فیصلہ کن تین سال کی پابندی عائد کر دی ہے۔ یہ پابندی انگلینڈ کے کھلاڑیوں کے ساتھ نامناسب رویے کے بارے میں رپورٹس کے بعد لگائی گئی ہے، جس میں ایک ہسپانوی اسٹار کھلاڑی...
Facebook Comments