تازہ ترین
وزیراعظم شہباز شریف کا ایرانی صدر سے رابطہ، اسرائیلی حملوں پر اظہارِ یکجہتی
وزیراعظم شہباز شریف نے ایرانی صدر ڈاکٹر مسعود پزشکیان سے ٹیلیفونک رابطہ کیا اور اسرائیلی جارحیت کے بعد پیدا ہونے والی علاقائی سیکیورٹی صورتحال پر تبادلہ خیال کیا۔
وزیراعظم نے ایران پر اسرائیلی حملوں کی شدید مذمت کرتے ہوئے انہیں ایران کی خودمختاری اور علاقائی سالمیت کی کھلی خلاف ورزی قرار دیا۔ انہوں نے کہا کہ یہ حملے اقوام متحدہ کے چارٹر اور بین الاقوامی قوانین کے منافی ہیں، اور ایران کو اقوام متحدہ کے چارٹر کے آرٹیکل 51 کے تحت اپنے دفاع کا مکمل حق حاصل ہے۔
شہباز شریف نے جانی نقصان پر ایرانی صدر سے دلی تعزیت کا اظہار کیا اور کہا کہ اسرائیل کی اشتعال انگیزی خطے اور دنیا کے امن و استحکام کے لیے سنگین خطرہ ہے۔
وزیراعظم نے عالمی برادری اور اقوام متحدہ سے مطالبہ کیا کہ وہ اسرائیل کے غیر قانونی اقدامات کو روکنے کے لیے فوری اور مؤثر اقدامات کریں۔ انہوں نے اس عزم کا اعادہ کیا کہ پاکستان خطے میں امن کے فروغ کے لیے پرعزم ہے اور مثبت کردار ادا کرنے کو تیار ہے۔
مصنف کے بارے میں
ضابطہ معاشرے میں آزادانہ مکالمے، افہام و تفہیم اور ترقی کے فروغ کے لیے کوشاں ہے۔ ضابطہ غیرجانبدارانہ معلومات، تعمیری گفتگو، اور متنوع نقطہ نظر کی طاقت پر یقین رکھتا ہے تا کہ ایک بہتر کل تشکیل دیا جا سکے۔
You Might Also Like
-
امریکا اور یوکرین نے اہم معدنیات کے تعاون سے متعلق معاہدے پر دستخط کر دیے ہیں، جسے وائٹ ہاؤس نے دونوں ممالک کے درمیان "طویل المدتی اسٹریٹجک ہم آہنگی" قرار دیا ہے۔ یہ معاہدہ یوکرین کے لیے ایک بڑی سفارتی کامیابی ہے، جو صدر ڈونلڈ ٹرمپ کی دوبارہ اقتدار میں واپسی...
-
مشیر اطلاعات خیبرپختونخوا بیرسٹر ڈاکٹر سیف نے کہا ہے کہ تیل کی قیمتوں میں معمولی کمی عوام کے ساتھ مذاق ہے۔ ان کا کہنا تھا کہ عالمی منڈی میں تیل کی قیمتوں میں نمایاں کمی کے باوجود حکومت نے عوام کو ریلیف دینے میں سنجیدگی کا مظاہرہ نہیں کیا۔ انہوں نے کہ...
Facebook Comments